سالتتار Əلەمىنە ساياحاتتاعان مƏدەنيەتتانۋشى

218

3-تامىز كۇنى الماتى قالاسىنداعى ۇلتتىق كىتاپحانادا "ادىرنا" ۇلتتىق-ەتنوگرافيالىق بىرلەستىگىنىڭ ۇيىمداستىرۋىمەن بەلگىلى مادەنيەتتانۋشى بەردالى وسپاننىڭ "سالتتار الەمىنە ساياحات" اتتى كىتابىنىڭ تۇساۋكەسەرى ءوتتى. اتاۋلى كىتاپ "ازاماتتىق باستامالاردى قولداۋ ورتالىعى" كەاق-نىڭ مەملەكەتتىك گرانتى اياسىندا قر اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلىپ جاتقان ء"داستۇرلى رۋxاني قۇندىلىقتاردى قولداۋ جونىندەگى جۇمىستاردى ۇيىمداستىرۋ" جوباسى اياسىندا شىعىپ وتىر. كىتاپ تۇساۋكەسەرىنە "اقيقات" جۋرنالىنىڭ باس رەداكتورى امانحان ءالىم، ەۋرازيا يننوۆاتسيالىق ۋنيۆەرسيتەتىنىڭ پروفەسسورى، كىتاپتىڭ العى ءسوزىن جازعان تاۋكە التىنبەكوۆ، "مامىلە" كلۋبىنىڭ جەتەكشىسى قانات تاسيبەكوۆ، پروفەسسور، كومپوزيتور باحتيار امانجول، فيلولوگ قانات جاڭاباەۆ، اۋدارماشى مارات جۇماعازيەۆ سىندى تۇلعالار قاتىستى. اكادەميك حانگەلدى ءابجانوۆ تىزگىندى قولعا الىپ، باستان-اياق جۇرگىزىپ شىقتى. قىزىقتى تاريحي دەرەكتەر ارقىلى قازاقى بولمىستى اشىپ كورسەتكەن رۋحاني كىتاپقا پىكىر بىلدىرۋشىلەر دە كوپ بولدى.

بەلگىلى اقىن امانحان ءالىم كىتاپتىڭ پايداسى مول، ەگەر وقۋلىققا ەنگىزەر بولسا، وقىرمان ءۇشىن قابىلداۋعا جەڭىل بولاتىندىعىن ايتىپ، بۇل قۇندى دۇنيەنىڭ ءداستۇرىمىزدى ناسيحاتتاۋدا ۇلكەن سەپتىگى تيەتىنىن جەتكىزدى. كىتاپ العى ءسوزىن جازعان تاۋكە التىنبەكوۆ: "قازاق سالتى - ادەمى، ۇيلەسىمدى ءارى مازمۇنى وتە تەرەڭ رۋحاني قۇبىلىس. وسى ورايدا بەردالى وسپاننىڭ كىتابى سالت-داستۇرلەر ارقىلى ۇلتىمىزدىڭ كودىن تانۋعا جاقىنداتۋىمەن باعالى",- دەگەن پىكىر ءبىلدىردى. جيىن سوڭىندا "سالتتار الەمىنە ساياحات" كىتابىن بىرنەشە تىلدە، اسىرەسە ورىس، اعىلشىن تىلدەرىنە اۋدارۋ قاجەتتىگىن، ونىڭ ۇلتتىق بولمىسىمىزدى وزگە ەلگە تانىتۋدا پايداسى مول ەكەنى ايتىلىپ، ۇسىنىس تاستالدى. سونىمەن قاتار، ءالىپبي بويىنشا قۇرىلعان كىتاپ مازمۇنىن تاقىرىپ ماعىناسىنا قاراي جۇيەلەۋ ماڭىزدى ەكەندىگى دە سارالاندى. كىتاپ اۆتورى بەردالى وسپان ءالى تالاي ىزدەنىستى قاجەت ەتەتىن دۇنيەلەردىڭ كوپتىگىن ايتىپ، بولاشاقتا ولاردىڭ دا جارىققا شىعاتىندىعىنان حاباردار ەتتى. سونىمەن قاتار اۆتور جيىنعا قاتىسقان ادامداردىڭ بارلىعىنا شەكسىز العىسىن ءبىلدىردى.

 

جانسايا سمان

"ادىرنا" ۇلتتىق پورتالى

پىكىرلەر