18 شىلدەدە لوندوندا Euromoney Awards for Excellence ماراپاتتاۋ ءراسىمى ءوتتى. Halyk bank "قازاقستاننىڭ ۇزدىك بانكى" ساناتىندا جەڭىمپاز اتاندى.
باسىلىم ساراپشىلارىنىڭ مالىمەتىنشە، Halyk نارىقتاعى جوعارى ءوسۋ قارقىنىمەن جانە ەڭ جوعارى تازا تابىسىمەن عانا ەمەس، سونىمەن قاتار ءوزىنىڭ بانكتىك بيزنەسىنىڭ دامۋىمەن دە ەرەكشەلەنەدى. وسىنىڭ ارقاسىندا بانك "ەلدەگى ۇزدىك جەتىستىكتەرى ءۇشىن" ساناتىندا جەڭىسكە جەتىپ وتىر.
"2023 جىلدىڭ جەلتوقسان ايىنىڭ سوڭىنا قاراي بانكتىڭ تازا كىرىسى وتكەن جىلمەن سالىستىرعاندا 22 پايىزعا وسكەن. پايدانىڭ ءوسۋى نەگىزىنەن جالپى اكتيۆتەردىڭ 7,6 پايىزعا وسۋىنە بايلانىستى بولدى، نەسيەلەۋ كولەمى 18 پايىزعا ءوستى. 2023 جىلدىڭ قورىتىندىسى بويىنشا Halyk قوسىمشاسىن بەلسەندى پايدالانۋشىلاردىڭ ورتاشا ايلىق سانى 46 پايىزعا ءوستى، ال تولەمدەر مەن اۋدارىمدار كولەمى 48 پايىزعا ءوسىپ، 11,7 تريلليون تەڭگەگە جەتتى", - دەلىنگەن باسىلىمنىڭ حابارلاماسىندا.
"ەكىنشى ونجىلدىقتا Euromoney بەدەلدى باسىلىمىنان ماراپاتتارعا يە بولۋىمىز بانك كومانداسى ءۇشىن وتە قۇندى. قازىرگى كورسەتكىش ءبىز ءۇشىن ەرەكشە ماڭىزدى، ويتكەنى ول قيىن گەوساياسي جاعدايلاردا بانكتىڭ قىزمەتىنە جوعارى باعا بەرەدى. ءبىز ءوز ۇستانىمىمىزدى ساقتاپ قانا قويماي، بارلىق نەگىزگى كورسەتكىش بويىنشا ءوسىمدى كورسەتىپ وتىرمىز. ءبىز - قازاقستاننىڭ بانك سەكتورىنىڭ كوشباسشىسىمىز. ارينە، بۇل بارلىق بيزنەس-پروتسەستەردى ۇنەمى جەتىلدىرۋدى جانە يننوۆاتسيالىق شەشىمدەردى ەنگىزۋ بويىنشا قارقىندى جۇمىستى تالاپ ەتەدى. سوندىقتان ءبىزدىڭ كۇش-جىگەرىمىزدى حالىقارالىق قارجى قاۋىمداستىعى لايىقتى باعالاعانىنا قۋانىشتىمىز", - دەيدى Halyk بانك ءتورايىمى ءۇمىت شاياحمەتوۆا.
ايتا كەتەيىك، Euromoney Awards for Excellence 33 جىلدان بەرى وتكىزىلىپ كەلەدى جانە الەمدىك قارجى سالاسىنداعى ەڭ بەدەلدى ماراپاتتاردىڭ ءبىرى بولىپ سانالادى.
