18 şıldede Londonda Euromoney Awards for Excellence marapattau räsımı öttı. Halyk bank "Qazaqstannyŋ üzdık bankı" sanatynda jeŋımpaz atandy.
Basylym sarapşylarynyŋ mälımetınşe, Halyk naryqtaǧy joǧary ösu qarqynymen jäne eŋ joǧary taza tabysymen ǧana emes, sonymen qatar özınıŋ banktık biznesınıŋ damuymen de erekşelenedı. Osynyŋ arqasynda bank "eldegı üzdık jetıstıkterı üşın" sanatynda jeŋıske jetıp otyr.
"2023 jyldyŋ jeltoqsan aiynyŋ soŋyna qarai banktıŋ taza kırısı ötken jylmen salystyrǧanda 22 paiyzǧa ösken. Paidanyŋ ösuı negızınen jalpy aktivterdıŋ 7,6 paiyzǧa ösuıne bailanysty boldy, nesieleu kölemı 18 paiyzǧa östı. 2023 jyldyŋ qorytyndysy boiynşa Halyk qosymşasyn belsendı paidalanuşylardyŋ ortaşa ailyq sany 46 paiyzǧa östı, al tölemder men audarymdar kölemı 48 paiyzǧa ösıp, 11,7 trillion teŋgege jettı", - delıngen basylymnyŋ habarlamasynda.
"Ekınşı onjyldyqta Euromoney bedeldı basylymynan marapattarǧa ie boluymyz bank komandasy üşın öte qūndy. Qazırgı körsetkış bız üşın erekşe maŋyzdy, öitkenı ol qiyn geosaiasi jaǧdailarda banktıŋ qyzmetıne joǧary baǧa beredı. Bız öz ūstanymymyzdy saqtap qana qoimai, barlyq negızgı körsetkış boiynşa ösımdı körsetıp otyrmyz. Bız - Qazaqstannyŋ bank sektorynyŋ köşbasşysymyz. Ärine, būl barlyq biznes-prosesterdı ünemı jetıldırudı jäne innovasiialyq şeşımderdı engızu boiynşa qarqyndy jūmysty talap etedı. Sondyqtan bızdıŋ küş-jıgerımızdı halyqaralyq qarjy qauymdastyǧy laiyqty baǧalaǧanyna quanyştymyz", - deidı Halyk bank töraiymy Ümıt Şaiahmetova.
Aita keteiık, Euromoney Awards for Excellence 33 jyldan berı ötkızılıp keledı jäne älemdık qarjy salasyndaǧy eŋ bedeldı marapattardyŋ bırı bolyp sanalady.
