اقتوبە وبلىسى قوبدا اۋدانىندا سۋ تاسقىنىنان زارداپ شەككەن جارىق اۋىلىنىڭ تۇرعىندارىنا جاڭا ۇيلەردى «لوتورەيا» ارقىلى تابىستادى. بۇل تۋرالى وبلىس اكىمدىگىنىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
اكىمدىك بۇل پروتسەستىڭ اشىق وتكەنىن، تۇرعىنداردىڭ ناتيجەگە كوڭىلى تولاتىنىن حابارلادى. ەندى جاڭا ۇيلەردىڭ يەلەرى قونىس اۋدارۋعا دايىندالۋدا.
بيىلعى كوكتەمدە وبلىستىڭ 6 اۋدانى مەن اقتوبەدە سۋ تاسقىنى كوپتەگەن تۇرعىن ۇيلەر مەن ينفراقۇرىلىمدى زاقىمدادى. مەملەكەت باسشىسىنىڭ تاپسىرماسى بويىنشا زارداپ شەككەندەرگە كومەك كورسەتۋ، ونىڭ ىشىندە ماتەريالدىق قولداۋ كورسەتۋ، تۇرعىن ءۇيدى قالپىنا كەلتىرۋ جانە قاجەتتى ازىق-تۇلىك پەن كيىم-كەشەكپەن قامتاماسىز ەتۋ شارالارى قابىلداندى. تۇرعىندار دا جاڭادان سالىنعان ۇيلەردەن جاڭا باسپانا الىپ جاتىر.
