مىڭداعان جىلدار بويى جاساپ كەلگەن، كەشەگى كارى قۇرلىقتى ءدۇر سىلكىندىرىپ، 16 الىپ يمپەريانىڭ ىرگەسىن قالاعان ساق، تۇركى، عۇنداردىڭ ۇرپاعى تەحنولوگيانىڭ عاسىرىندا نەگە سونشاما جۋاسىپ كەتتى؟ كەزىندە مەن دەگەن كسرو نىڭ ءوزى قازاقتى وسىنشالىقتى موماقاندىققا ۇيرەتىپ، قۇلداي ەتىپ الدىنا سالا الماعاندى، ءتىپتى 300 جىل بويى وتارلىق ەزگىدە بولسا دا ەشكىمگە بوي بەرمەگەن قازاقتىڭ بۇلاي تولەرانت بولىپ، سونشالىقتى جۋاسىپ كەتۋ سەبەبىن تۇسىنە الماي قويدىم. 300 جىلدا بولماعان جۋاسىتۋ پروتسەسى 30 جىلدا، تاعى بولسا "تاۋەلسىزدىك" جىلدارىندا ىسكە اسىپ وتىرعانى تاڭ قالدىرادى. وسى كەزەڭدە قازاق;
- تىلىنەن،
-دىنىنەن،
-ۇلتتىق بولمىسىنان،
-مىنەزىنەن،
-بايلىعىنان،
-عۇرپىنان، تاعى باسقا دا كوپ قۇندىلىقتارىنان ايىرىلىپ قالدى.
قازاق سان عاسىرلىق تاريحتىڭ تولقىنىندا قىلىشىن قايراي دا بىلگەن، جاۋىن جايراتا دا بىلگەن، تاعدىرىڭ توقپاعىن دا اياۋسىز كورگەن ۇلت. تاجىريبەسى دە جەتەرلىك ۇلت. قازاقتىڭ قازىرگى مىنەزى سابىرلىلىق پەن توزىمدىلىك دەۋگە دە كەلمەيدى. بۇل ءتىپتى باسقا مىنەز. بۇل وتارلارعاننان دا باسقا سيپاتقا يە بولىپ بارا جاتىر. قاۋىپتى ەكەنىن سەزىنبەي وتىرسىز با؟ تولەرانتتىمىز دەپ توبەسىنەن جىمىڭداپ وتىرعان نۇروتان قازاقتى بار بولعانى 30 جىلدىڭ ىشىندە ادام سەنگىسىز موماقان، كونشىگ، توزگىشتىككە ۇيرەتىپ تاستاعانىن، مۇنىڭ قانداي ساياسي ماگيا مەن گيپنوز، مانيپۋلياتسيا ەكەنىن تۇسىنە المادىم. مۇنى تەرەڭ زەرتتەپ، زەردەلەپ، قازاقتىڭ وزىنە ۇعىندىرماسا ءتىپتى بولمايتىن سياقتى.
ءبىر عانا دۇنيە ايقىن - قازاق وتە قاتتى الدانعىش ۇلت. وتە سەنگىش ۇلت. سەبەبى، ارامدىقتى ۇيرەنبەگەن.
بەكبولات قارجان
"ادىرنا" ۇلتتىق پورتالى
