Myńdaǵan jyldar boıy jasap kelgen, keshegi kári qurlyqty dúr silkindirip, 16 alyp ımperııanyń irgesin qalaǵan saq, túrki, ǵundardyń urpaǵy tehnologııanyń ǵasyrynda nege sonshama jýasyp ketti? Kezinde men degen KSRO nyń ózi qazaqty osynshalyqty momaqandyqqa úıretip, quldaı etip aldyna sala almaǵandy, tipti 300 jyl boıy otarlyq ezgide bolsa da eshkimge boı bermegen qazaqtyń bulaı tolerant bolyp, sonshalyqty jýasyp ketý sebebin túsine almaı qoıdym. 300 jylda bolmaǵan jýasytý proesi 30 jylda, taǵy bolsa "táýelsizdik" jyldarynda iske asyp otyrǵany tań qaldyrady. Osy kezeńde qazaq;
- tilinen,
-dininen,
-ulttyq bolmysynan,
-minezinen,
-baılyǵynan,
-ǵurpynan, taǵy basqa da kóp qundylyqtarynan aıyrylyp qaldy.
Qazaq san ǵasyrlyq tarıhtyń tolqynynda qylyshyn qaıraı da bilgen, jaýyn jaırata da bilgen, taǵdyryń toqpaǵyn da aıaýsyz kórgen ult. Tájirıbesi de jeterlik ult. Qazaqtyń qazirgi minezi sabyrlylyq pen tózimdilik deýge de kelmeıdi. Bul tipti basqa minez. Bul otarlarǵannan da basqa sıpatqa ıe bolyp bara jatyr. Qaýipti ekenin sezinbeı otyrsyz ba? Toleranttymyz dep tóbesinen jymyńdap otyrǵan nurotan qazaqty bar bolǵany 30 jyldyń ishinde adam sengisiz momaqan, kónshig, tózgishtikke úıretip tastaǵanyn, munyń qandaı saıası magııa men gıpnoz, manıpýlıaııa ekenin túsine almadym. Muny tereń zerttep, zerdelep, qazaqtyń ózine uǵyndyrmasa tipti bolmaıtyn sııaqty.
Bir ǵana dúnıe aıqyn - qazaq óte qatty aldanǵysh ult. Óte sengish ult. Sebebi, aramdyqty úırenbegen.
Bekbolat QARJAN
"Adyrna" ulttyq portaly
