ازاماتتىق نەكەدەگى ايەلىن ولتىرگەنى ءۇشىن سوتتالعان بيشىمباەۆتىڭ كولونياعا كەتپەگەنى انىقتالدى، دەپ حابارلايدى “ادىرنا” ۇلتتىق پورتالى.
قۋاندىق بيشىمباەۆ سالتانات نۇكەنوۆانى اياۋسىز ولتىرگەنى ءۇشىن 24 جىلعا سوتتالعان ەدى.
الايدا ەكس-شەندىنىڭ كولونيادا وتىرعانى تۋرالى قىلمىستىق-اتقارۋ جۇيەسى كوميتەتىنىڭ توراعاسى تەڭىزجان جانىبەكوۆ ايتتى.
"قازىرگى ۋاقىتتا سوتتالۋشى بيشىمباەۆ تۇرمەگە ءالى جابىلعان جوق، تەرگەۋ يزولياتورىندا وتىر. ول قاۋىپتىلىگى جوعارى تۇزەۋ مەكەمەسىندە جازاسىن وتەيدى", - دەيدى جانىبەكوۆ.
كوميتەت توراعاسى بيشىمباەۆتىڭ كولونياعا تۇسكەن سوڭ 15 كۇن كارانتيندە بولاتىنىن ايتتى. ودان ءارى سوتتالۋشىمەن تاربيە جۇمىستارى جۇرگىزىلىپ، پسيحولوگتار جۇمىس ىستەمەك.
سونداي-اق، توراعا بيشىمباەۆتىڭ كولونيالا قانداي جۇمىس ىستەيتىنىنە دە توقتالدى.
"جازاسىن وتەۋشىلەردى جۇمىسقا ورنالاستىرامىز. بىزدە كاسىپورىن سالاسىندا جۇمىس ىستەيدى، اعاش، تەمىر وڭدەۋ بويىنشا جۇمىس ىستەيدى. قاي جەردە بوس جۇمىس ورنى بار سول جەردە جۇمىس ىستەيدى. ءاربىر مەكەمەدە جۇمىسقا ورنالاستىرۋ ءبولىمى بار، سولار اينالىسادى", - دەدى جانىبەكوۆ.
