«شەرزات پولاتتى ءولتىردى» دەپ ايىپتالعان كۇدىكتىلەردىڭ ۇيالى تەلەفونى مەن «اليسا» قۇرىلعىسى تاركىلەندى. بۇل تۋرالى ادۆوكات ەرلان اداەۆ ايتتى، دەپ حابارلايدى “ادىرنا” ۇلتتىق پورتالى.
ادۆوكاتتىڭ ايتۋىنشا، ول ۆيدەونى كورگەننەن كەيىن ىشكى ىستەر مينيسترلىگىنە سۇراۋ سالعان.
«ىسكە قاتىسى بار لاۋازىمدى تۇلعالاردىڭ ءبارى انىقتالدى. ولار تارتىپتىك كوميسسيا شەشىمىمەن جازاعا تارتىلادى. تەرگەۋ يزولياتورىندا قولدانىلعان زاڭسىز زاتتاردىڭ ءبارى — ءموبيلدى تەلەفون، كولونكا تاركىلەندى. بەينەباقىلاۋ كامەرالارىنىڭ جازبالارى زەرتتەلدى»، — دەيدى ول.
ەستەرىڭىزگە سالا كەتەيىك، جەلىدە «16 جاسار شەرزات پولاتتى ءولتىردى» دەپ ايىپتالعان كۇدىكتىلەردىڭ تەرگەۋ يزولياتورىندا تۋعان كۇن تويلاعان ۆيدەوسى تاراعان بولاتىن.
