تەلەجۇرگىزۋشى ءلايلا سۇلتانقىزى اتقا مىنۋگە قۇمارتىپ، ءجيى شابۋدى ادەتكە اينالدىرعان قىزدارعا ەسكەرتۋ جاسادى، دەپ حابارلايدى "ادىرنا" ۇلتتىق پورتالى.
مەديا مامان جەلىدەگى پاراقشاسىندا جازبا جاريالادى.
“سوڭعى ەكى كۇندە ەركەجانمەن مىڭ رەت حابارلاسقان شىعارمىن. ءتىپتى تۇسىمدە دە جاعدايىن سۇراپ ءجۇرمىن. اتقا ءمىنۋدى نەمەسە شابۋدى جاقسى كورەتىن قىزدار، جاقىنداڭدار! بۇلاي جاساۋعا بولمايتىنىن ايتىپ بەرەمىن. ەركەجاننىڭ فوتوسىن كورگەندە قاتتى شوشىپ كەتتىم. وسىدان بىرنەشە كۇن بۇرىن دوستارىمەن اتقا شابۋعا بارعان. سول جەردە قۇلاپ، جاراقات الدى. ميدىڭ شايقالۋى دياگنوزى قويىلدى. وتا جاسالدى. ءبىرىنشى رەت اتپەن شاۋىپ تۇرعان جوق. بۇرىن دا بارىپ جۇرەتىنىن بىلەتىن ەدىم. وسى جولى قاتتى قۇلاپ، ءبارىمىزدى قورقىتتى”، – دەدى تەلەجۋرناليست.
سونىمەن قاتار مەديا وكىلى بۇگىندە اتقا شابۋ ترەندكە اينالعانىن اتاپ ءوتتى.
“قازىر قىز بالالارىنىڭ اتقا ءمىنۋى نەمەسە شابۋى كەڭ تارالدى. استانانىڭ وزىندە بىرنەشە ورىندار بار. ەركەجان دا بىرنەشە رەت بارىپ جۇرگەن ورتالىعىنا بارىپ، شاۋىپ جۇرگەن اتىنا مىنگەن. قولحات جازىپ، جاۋاپكەرشىلىكتى وزىنە العان. مەنىڭ ايتقىم كەلگەنى، دەنساۋلىققا پايدالى بولعانىمەن، قاۋىپسىزدىك ءبىرىنشى ورىندا. باستىسى – قاۋىپسىزدىك پەن دەنساۋلىق. اتقا مىنەردە كيەتىن باسكيىمى، بەلىنە تاعاتىن، بايلايتىن دۇنيەلەرى بولۋى كەرەك. ودان كەيىن تەكسەرىلگەن اتقا وتىرىڭىزدار. ودان كەيىن زاڭدى جۇمىس ىستەيتىن ورتالىققا بارعان دۇرىس”، – دەپ كەڭەس بەردى جۋرناليست.
