Telejürgızuşı Läilä Sūltanqyzy atqa mınuge qūmartyp, jiı şabudy ädetke ainaldyrǧan qyzdarǧa eskertu jasady, dep habarlaidy "Adyrna" ūlttyq portaly.
Media maman jelıdegı paraqşasynda jazba jariialady.
“Soŋǧy ekı künde Erkejanmen myŋ ret habarlasqan şyǧarmyn. Tıptı tüsımde de jaǧdaiyn sūrap jürmın. Atqa mınudı nemese şabudy jaqsy köretın qyzdar, jaqyndaŋdar! Būlai jasauǧa bolmaitynyn aityp beremın. Erkejannyŋ fotosyn körgende qatty şoşyp kettım. Osydan bırneşe kün būryn dostarymen atqa şabuǧa barǧan. Sol jerde qūlap, jaraqat aldy. Midyŋ şaiqaluy diagnozy qoiyldy. Ota jasaldy. Bırınşı ret atpen şauyp tūrǧan joq. Būryn da baryp jüretının bıletın edım. Osy joly qatty qūlap, bärımızdı qorqytty”, – dedı telejurnalist.Sonymen qatar media ökılı bügınde atqa şabu trendke ainalǧanyn atap öttı.
“Qazır qyz balalarynyŋ atqa mınuı nemese şabuy keŋ taraldy. Astananyŋ özınde bırneşe oryndar bar. Erkejan da bırneşe ret baryp jürgen ortalyǧyna baryp, şauyp jürgen atyna mıngen. Qolhat jazyp, jauapkerşılıktı özıne alǧan. Menıŋ aitqym kelgenı, densaulyqqa paidaly bolǧanymen, qauıpsızdık bırınşı orynda. Bastysy – qauıpsızdık pen densaulyq. Atqa mınerde kietın baskiımı, belıne taǧatyn, bailaityn dünielerı boluy kerek. Odan keiın tekserılgen atqa otyryŋyzdar. Odan keiın zaŋdy jūmys ısteitın ortalyqqa barǧan dūrys”, – dep keŋes berdı jurnalist.
Ūqsas jaŋalyqtar
