27 قاراشادا قاراجانباس-اقتاۋ تاس جولىندا مۇناي كومپانياسىنىڭ قىزمەتكەرلەرىن تاسىمالداپ بارا جاتقان شاعىن اۆتوبۋس جىلقىنى قاقتى، دەپ حابارلايدى “ادىرنا” ۇلتتىق پورتالى Lada.kz-كە سىلتەمە جاساپ.
شاعىن اۆتوبۋس قاراتۇرىن كەن ورنىنا بارا جاتقان. سوقتىعىس سالدارىنان ءتورت قىزمەتكەر جاراقات الدى. ونىڭ ىشىندە ءبىر ادامنىڭ جاعدايى اۋىر. ەكى اياعى سىنعان جابىرلەنۋشى قازىر وبلىستىق اۋرۋحانادا جاتىر.
“اۆتوبۋس جۇرگىزۋشىسى جول قوزعالىسى ەرەجەلەرىن بۇزعانى ءۇشىن جاۋاپقا تارتىلدى. ساراپتاما تاعايىندالدى، ونىڭ ناتيجەلەرى بويىنشا قىلمىستىق جاۋاپكەرشىلىك تۋرالى شەشىم قابىلدانادى”، - دەدى وبلىستىق پد.
قازىرگى ۋاقىتتا اۋىل شارۋاشىلىعى جانۋارلارىن جايۋ ەرەجەلەرىن بۇزعانى ءۇشىن جاۋاپكەرشىلىككە تارتىلاتىن جانۋار يەسىن انىقتاۋ بويىنشا جۇمىستار جۇرگىزىلىپ جاتىر.
