قاراعاندى وبلىسىندا بولعان وقىس وقيعادان سەگىز ادام زارداپ شەكتى، ولاردىڭ بارلىعى ءتۇرلى دەنە جاراقاتتارىمەن اۋرۋحاناعا جەتكىزىلدى، - دەپ حابارلايدى “ادىرنا” ۇلتتىق پورتالى.
قر توتەنشە جاعدايلار مينيسترلىگىنىڭ مالىمەتىنشە، الماتى-ەكاتەرينبۋرگ تاس جولىندا ەكى كولىك سوقتىعىسقان.
«وقيعا ورنىنا دەرەۋ جەتكەن توتەنشە جاعدايلار مينيسترلىگىنىڭ قۇتقارۋشىلارى ءارتۇرلى اۋىرلىقتاعى جاراقات العان زارداپ شەككەن سەگىز ازاماتقا كومەك كورسەتىپ، ولاردى اۋرۋحاناعا جەتكىزدى»، - دەلىنگەن حابارلامادا.
ەستەرىڭىزگە سالا كەتەيىك، كەشە، 16 شىلدە كۇنى الماتىدا اۆتوبۋستىڭ قاتىسۋىمەن جول اپاتى ورىن الىپ، سالدارىنان توعىز ادام زارداپ شەكتى. كەيىن دارىگەرلەر زارداپ شەككەن جولاۋشىلاردىڭ جاعدايى تۋرالى حابارلادى.
