قاراعاندىدا جالدامالى پاتەردەن 18 جانە 15 جاستاعى ەكى جىگىتتىڭ ءمايىتى تابىلدى، دەپ حابارلايدى "ادىرنا" ۇلتتىق پورتالى.
پوليتسيانىڭ مالىمەتىنشە، ولاردىڭ دەنەلەرىنەن زورلىق-زومبىلىق بەلگىلەرى انىقتالماعان.
الەۋمەتتىك جەلىلەردە جاسوسپىرىمدەر ەسىرتكىدەن كوز جۇمعان بولۋى مۇمكىن دەگەن بولجامدار تاراپ جاتىر. الايدا، قاراعاندى وبلىستىق پوليتسيا دەپارتامەنتى بۇل مالىمەتتى رەسمي تۇردە راستاعان جوق.
قايعىلى جاعدايعا بايلانىستى قىلمىستىق ءىس قوزعالدى. قازىرگى ۋاقىتتا تەرگەۋشىلەر وقيعانىڭ ءمان-جايىن انىقتاپ جاتىر. بارلىق نۇسقالار تەكسەرىلىپ، كۋالاردان جاۋاپ الىنۋدا.
«تەرگەۋ بارىسى پوليتسيا دەپارتامەنتى باسشىلىعىنىڭ باقىلاۋىندا. تەكسەرۋ مەن تەرگەۋ ارەكەتتەرىنىڭ قورىتىندىسى بويىنشا زاڭعا سايكەس پروتسەسسۋالدىق شەشىم قابىلدانادى. تەرگەۋ مۇددەسىنە بايلانىستى وزگە اقپارات جاريالانبايدى»، — دەپ حابارلادى وڭىرلىك پد ءباسپاسوز قىزمەتى.
