Qaraǵandy oblysynda bolǵan oqys oqıǵadan segiz adam zardap shekti, olardyń barlyǵy túrli dene jaraqattarymen aýrýhanaǵa jetkizildi, - dep habarlaıdy “Adyrna” ulttyq portaly.
QR Tótenshe jaǵdaılar mınıstrliginiń málimetinshe, Almaty-Ekaterınbýrg tas jolynda eki kólik soqtyǵysqan.
«Oqıǵa ornyna dereý jetken Tótenshe jaǵdaılar mınıstrliginiń qutqarýshylary ártúrli aýyrlyqtaǵy jaraqat alǵan zardap shekken segiz azamatqa kómek kórsetip, olardy aýrýhanaǵa jetkizdi», - delingen habarlamada.
Esterińizge sala keteıik, keshe, 16 shilde kúni Almatyda avtobýstyń qatysýymen jol apaty oryn alyp, saldarynan toǵyz adam zardap shekti. Keıin dárigerler zardap shekken jolaýshylardyń jaǵdaıy týraly habarlady.
