ۇلىتاۋ وبلىسىنىڭ جاڭاارقا اۋدانىنداعى "قازاقمىس" كورپوراتسياسىنىڭ "جومارت" كەنىشىندە قازا تاپقان كەنشىلەردىڭ ءتىزىمى جاريالاندى، دەپ حابارلايدى “ادىرنا” ۇلتتىق پورتالى.
“قازاقمىس” دەرەكتەرى بويىنشا، قازا بولعان كەنشىلەردىڭ ءتىزىمى:
- اقشالوۆ قايرات امانبەكۇلى، 1975 جىلى تۋعان، ناسوس ءماشينيسى;
- جاكۋباەۆ ارداق بورانبايۇلى، 1998 جىلى تۋعان، جەراستى تاۋ-كەن شەبەرى;
- جۇمادۇللاەۆ باقىتبەك نىشانۇلى، 1975 جىلى تۋعان، جەراستى كەنشىسى:
- كەنجەبەكوۆ ورىنبەك ءامىرحانۇلى، 1991 جىلى تۋعان، تيەۋ-جەتكىزۋ ماشيناسىنىڭ ءماشينيسى;
- مولدابەكوۆ عالىمجان ەسەنبەكۇلى، 1978 جىلى تۋعان، بۇرعىلاۋشىنىڭ كومەكشىسى،
- نۇرۇلداەۆ ولجاس جاعالبايۇلى، 1979 جىلى تۋعان، جەراستى ۋچاسكەسىنىڭ ەنەرگەتيك،
- روجكوۆ كونستانتين ۆلاديميروۆيچ، 1992 جىلى تۋعان، جەراستى تاۋ-كەن جابدىقتارىنىڭ ەلەكتر سلەسارى.
مارقۇمداردىڭ ەڭ جاسى 27 جاستا.
ۇلىتاۋ وبلىسىنىڭ پوليتسيا دەپارتامەنتى بۇل فاكتى بويىنشا قر قك-ءنىڭ 277-بابىنىڭ 3-بولىگى «تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ» بويىنشا ءىس قوزعالدى.
“وقيعا ورنىندا ۇلىتاۋ وبلىسىنىڭ پوليتسيا دەپارتامەنتىنىڭ جەدەل-تەرگەۋ توپتارى جۇمىس ىستەپ جاتىر. قازىرگى ۋاقىتتا بارلىق قاجەتتى تەرگەۋ امالدارى جۇرگىزىلىپ جاتىر”، دەيدى پوليتسەيلەر.
ەسكە سالا كەتەيىك، 17 اقپان كۇنى كەشكە ۇلىتاۋ وبلىسىنىڭ جاڭاارقا اۋدانىنداعى "قازاقمىس" كورپوراتسياسىنىڭ "جومارت" كەنىشىندە تاۋ-كەن ماسساسى قۇلاعان. سول جەردە شاحتانىڭ جەتى قىزمەتكەرى بولدى. كابەلدەردىڭ ۇزىلگەن سوڭ جۇمىسشىلارمەن بايلانىسۋ مۇمكىن بولماعان. كەيىن جەتى كەنشىنىڭ دە ءمايىتى تابىلدى.
