التى ايدىڭ قورىتىندىسى بويىنشا اقمولا وبلىسىندا 77 مىڭنان استام ادام ايتۆ-عا تەستىلەۋدەن ءوتتى، بۇل وتكەن جىلمەن سالىستىرعاندا بەس پايىزعا ارتىق. بۇل تۋرالى وبلىستىق ايتۆ-ينفەكتسياسىنىڭ الدىن الۋ ورتالىعىنىڭ ۇيىمداستىرۋ-ادىستەمەلىك ءبولىمىنىڭ مەڭگەرۋشىسى سابيرا اشيموۆا ءمالىم ەتتى.
سپيكەردىڭ ايتۋىنشا، 2024 جىلدىڭ التى ايىنداعى ەپيدەميولوگيالىق جاعداي وڭىردە تۇراقتى. جاڭا جاعدايلاردىڭ تىركەلۋىنىڭ تومەندەۋى بايقالادى. ينفەكتسيانىڭ نەگىزگى بەرىلۋ جولى-جىنىستىق قاتىناس.
«ورتالىق حالىقتى ايتۆ-ينفەكتسياسى تۋرالى اقپاراتتاندىرۋعا كوپ كوڭىل بولەتىنىن ايتۋ ماڭىزدى. جانە، ارينە، تەكسەرۋگە شاقىرۋ الدىن الۋ جۇمىستىڭ اجىراماس بولىگى بولىپ تابىلادى»، - دەيدى سابيرااسەنوۆنا.
دارىگەر اتاپ وتكەندەي، web-اۋتريچ، PrEP نەمەسە بايلانىسقا دەيىنگى الدىن الۋ سياقتى حالىقارالىق الدىن الۋ ستراتەگيالاردى پايدالانا وتىرىپ، «زياندى ازايتۋ» باعدارلاماسى ارقىلى الدىن الۋ شارالارعا حالىقتىڭ نەگىزگى توپتارىن بەلسەندى تارتۋ سىرقاتتانۋشىلىقتى ازايتۋ تۇرىندە ءوز جەمىسىن بەرەدى.
حالىق اراسىندا كوكشەتاۋ قالاسىنىڭ قوعامدىق ورىندارىندا اۋديو-بەينەروليكتەر، باننەرلەر جانە جەدەل تەستىلەۋ اكتسيالارى ارقىلى الەۋمەتتىك جارناما اقمولالىقتارعا وڭ اسەر ەتەدى. وسىنىڭ ارقاسىندا قوعامدا ايتۆ-مەن ءومىر سۇرەتىن ادامدارعا ستيگما مەن كەمسىتۋشىلىك دەڭگەيى تومەندەپ، ۆيرۋستى جۇقتىرۋعا قاتىستى قاۋىپتەر تۋرالى حاباردارلىق جانە ولاردىڭ دەنساۋلىعىنا قامقورلىق جاساۋدىڭ ماڭىزدىلىعى ارتادى.
مۇنىڭ ءبارىن ءبىز ايتۆ-عا تەستىلەۋدەن وتەتىن ادامدار سانىنىڭ جىل سايىن ارتىپ كەلە جاتقاندىعى تۋرالى ايتاتىن ستاتيستيكادان بايقايمىز. ماسەلەن، سوڭعى ءۇش جىلدا ديناميكادا ايتۆ مارتەبەسىن بىلەتىندەر سانى 12 مىڭعا ارتتى.
ەڭ ماڭىزدىسى، جىنىستىق ءومىر سۇرەتىن كەز-كەلگەن ادام، ايتۆ-عا تەستىلەۋدەن ءوتۋى كەرەك. قوسىمشا قاۋىپ بولعان جاعدايدا، مىسالى، ەسىرتكىنى قولدانۋ، مارتەبەسى ءسىز بىلمەيتىن سەرىكتەسپەن قورعالماعان جىنىستىق قاتىناسقا ءتۇسۋ ەرەجە بولۋى كەرەك.
ايتا كەتسەك، تەستىلەۋدەن وتكەن كەزدە تەرىس ناتيجە - ايتۆ-عا انتيدەنەلەر تابىلماعانىن كورسەتەدى. الايدا، ۆيرۋستىڭ جاسىرىن كەزەڭى بار ەكەنىن ەستە ۇستاعان ءجون، ول ورتا ەسەپپەن ەكى اپتادان ءۇش ايعا دەيىن سوزىلۋى مۇمكىن. قاۋىپتى مىنەز-قۇلىق جاعدايىندا تەستىلەۋدى ءۇش ايدان كەيىن قايتالاۋ قاجەت. مەديتسينا ماماندارى وسىلاي ۇسىنادى.
وڭ ناتيجە - ايتۆ-عا انتيدەنەلەر انىقتالسا، ادام جۇقتىرعانىن بىلەمىز.
دياگنوز قويۋ كەزىندە وتە سيرەك كۇماندى ناتيجەلەر بولۋى مۇمكىن. بۇل ەكى سەبەپكە بايلانىستى بولۋى مۇمكىن: ءبىرىنشىسى – ينفەكتسيا جاقىندا پايدا بولعانى جانە انتيدەنەلەر جەتكىلىكسىز وندىرىلگەنى، ەكىنشىسى – اۋتويممۋندى نەمەسە مەتابوليكالىق سيپاتتاعى سوزىلمالى اۋرۋلار. مۇنداي جاعدايلاردا دارىگەر تاعايىندايتىن قايتا تەكسەرۋ قاجەت بولادى.
بىراق ناتيجەگە قاراماستان، ەستە ۇستاعاندارىڭىز جون: ءبىلىم سىزگە ءىس-ارەكەتكە قوسىمشا نۇسقاۋلىق بەرەدى. تەرىس ناتيجە بولعان جاعدايدا – قاۋىپسىز جىنىستىق مىنەز-قۇلىق تاجىريبەسىن جالعاستىرۋ، ال وڭ ناتيجە بەرگەندە-يممۋندىق جۇيەگە ودان ءارى قاۋىپ-قاتەردى ازايتۋ ءۇشىن انتيرەتروۆيرۋستىق تەراپيانى قابىلداۋدى باستاۋ.
