الماتى وبلىسىنىڭ تاۋلارىندا ەندۋرو-موتوتسيكلشىلەرىنە شابۋىل جاسالدى، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەپ.
«قاسكەلەڭ تاۋلى ايماعىندا شوپاندار ەندۋرو-موتوتسيكلشىلەرىنە شابۋىل جاساپ، ۇرىپ-سوعىپ، اتىس قارۋىن قولداندى. ەندى ءىس قوزعالادى، بىراق ءىس جابىلىپ قالۋى مۇمكىن دەگەن كۇدىك بار، جاريا بولعانىن قالايمىن»، — دەپ جازدى وقىرمان قازتاگ اگەنتتىگىنىڭ رەداكتسياسىنا.
ول الماتى وبلىسىنىڭ پوليتسياسىنا موتوتسيكلشىلەردىڭ ارىزدانعانىن ءتۇسىندىردى.
رەداكتسياعا جىبەرىلگەن كادرلاردا ات ۇستىندەگى اگرەسسيۆتى ەر ادامنىڭ الدىمەن موتوتسيكل جۇرگىزۋشىلەرىنىڭ ءبىرىنىڭ باسىنان سوققانى، سوسىن وعان تاعى ەكەۋى قوسىلىپ، بايكەردى ۇرىپ-سوعىپ، جەرگە قۇلاتقانى كورىنەدى. شابۋىل جاساۋشىلاردىڭ ءبىرىنىڭ قولىندا كالاشنيكوۆ اۆتوماتىنا ۇقساس زات بار. بەينەجازبادا مىلتىققا ۇقساس دىبىس تا ەستىلەدى.
«اقجارقىن موتوتسيكلشىلەر الماتى وبلىسى قاراساي اۋدانىنداعى جەرگىلىكتى شوپاننىڭ اشۋىن كەلتىردى. قاقتىعىستان كەيىن كەنەتتەن قارۋلى «رەمبو» پايدا بولىپ، اگرەسسيۆتى ادامدار بايكەرلەردىڭ ءبىرىن سوققىعا جىققان. اۋداندىق پوليتسەيلەر كۇدىكتىلەردىڭ تەز ارادا انىقتالىپ، جاقىن ارادا ۇستالاتىنىن حابارلادى»، - دەپ حابارلايدى Egov.Press Telegram ارناسى ءوز كەزەگىندە.
