الماتى اكىمى ەربولات دوساەۆتىڭ سەنبىلىكتە جۇرگەن فوتوسى جۇرتتىڭ تالقىسىنا قالدى، دەپ حابارلايدى "ادىرنا" ۇلتتىق پورتالى.
سەنبىلىككە شىققان 60 مىڭ ادامعا الماتى اكىمى ەربولات دوساەۆ تا قوسىلدى. اۋلالار، ساياباقتار، سكۆەرلەر مەن سۋ قويمالارىنىڭ جاعالارى تازارتىلىپ، رەتكە كەلتىرىلىپ، جاسىل جەلەكتەر جەتىسپەيتىن جەرلەرگە مىڭداعان جاس اعاشتار وتىرعىزىلدى.
قوعامدىق جۇمىس كۇنى قالا تۇرعىندارى 11 مىڭ تەكشە مەترگە جۋىق قوقىس جينادى، دەپ حابارلايدى قالا اكىمدىگىنىڭ ءباسپاسوز قىزمەتى. ونى جويۋ ءۇشىن قالانىڭ كوممۋنالدىق شارۋاشىلىعى مەن كاسىپورىندارىنىڭ 502 ارنايى تەحنيكاسى تارتىلدى. سونداي-اق سەنبىلىك بارىسىندا تۋرنيكەتتەر، ورىندىقتار، قوقىس جاشىكتەرى سىرلانىپ، جاڭارتىلدى. سونىمەن قاتار، قالانىڭ اباتتاندىرىلعان جەرلەرىنە اعاشتار وتىرعىزىلدى.
سەنبىلىككە الماتى قالاسىنىڭ اكىمى ەربولات دوساەۆ، جەتىسۋ وبلىسىنىڭ اكىمى گۇلنار كوكوباەۆا، جۋرناليست جانە قوعام قايراتكەرى سەرگەي پونومارەۆ جانە باسقا دا بىرقاتار تانىمال الماتىلىقتار اتسالىستى.
"ادىرنا" ۇلتتىق پورتالى
