الماتىدا قوعامدىق كولىكپەن قاتىناۋ باعاسى قىمباتتادى. ەندىگىدە الىپ شاھارداعى جولاقى قۇنى 20 تەڭگەگە وسەدى. مۇنداي جاڭالىقتى ءماسليحات سەسسياسىندا قالا اكىمىنىڭ ورىنباسارى اسقار ءامرين مالىمدەدى، دەپ حابارلايدى "ادىرنا" ۇلتتىق پورتالى.
قالا اكىمىنىڭ ورىنباسارى بۇعان قاتىستى ءبىر جايتتى ايتتى. ونىڭ سوزىندە، تاسىمالداۋشىلاردىڭ شىعىنى ارتقانىنا قاراماستان، الماتىدا جول ءجۇرۋ قۇنى 11 جىلدان استام ۋاقىت بويى ەش وزگەرمەگەن.
«اعىمداعى تاريف تاسىمالداۋشىلاردىڭ شىعىنىن وتەمەيدى. سەبەبى، جول ءجۇرۋدىڭ ناقتى قۇنى بەكىتىلگەننەن 3 ەسە قىمبات. وسىعان بايلانىستى اكىمدىك اي سايىن تاسىمالداۋشىلاردىڭ شىعىستارىن سۋبسيديا تۇرىندە جاۋىپ كەلەدى. 2020-2022 جىلدارى تولەنگەن سۋبسيديالار سوماسى 115,8 ملرد تەڭگەنى قۇرادى. ينفلياتسيانىڭ، جانار-جاعار ماي باعاسىنىڭ ءوسۋى مەن قوسالقى بولشەكتەردىڭ شىعىنىن ەسكەرە وتىرىپ، تولەنەتىن سۋبسيديالار سوماسى جىل سايىن 10-نان 30% دەيىن ۇلعايادى»، - دەدى اسقار ءامرين.مۇنىمەن قوسا، قالا اكىمىنىڭ ورىنباسارى جولاۋشىلار ءۇشىن قوعامدىق كولىكتە جول ءجۇرۋ قۇنى 20 تەڭگەگە ارتاتىنىن ءمالىم ەتتى.
«قولما-قول اقشاسىز تولەممەن – 100 تەڭگە، قولما-قول تولەممەن 200 تەڭگە مولشەرىندە جاڭا تاريفتەردى قولدانۋ – بيىلعى جىلى سۋبسيديالار سوماسىن شامامەن 10 ملرد تەڭگەگە تومەندەتۋگە مۇمكىندىك بەرەدى. ولاردى باسقا دا الەۋمەتتىك ماڭىزى بار جوبالارعا قايتا بولۋگە بولادى»، - دەدى الماتى قالاسى اكىمىنىڭ ورىنباسارى اسقار ءامرين.«الماتى كولىك حولدينگى» جشس دەرەگىنە سۇيەنسەك، جولاۋشىلاردىڭ شامامەن 97% جول ءجۇرۋ اقىسىن «وڭاي» كارتاسىمەن، ونىڭ ىشىندە «وڭاي» قوسىمشاسىندا QR-كود نەمەسە SMS-حابارلاما ارقىلى تولەيدى. الماتىدا قوعامدىق كولىكتى كۇنىنە 1,4 ميلليونعا دەيىن ادام پايدالانادى.
"ادىرنا" ۇلتتىق پورتالى
