وقۋ-اعارتۋ ءمينيسترى جۇلدىز سۇلەيمەنوۆا يراندا وقۋشى قىزداردىڭ قازا تابۋىنا بايلانىستى كوڭىل ءبىلدىردى، دەپ حابارلايدى «ادىرنا» ءتىلشىسى.
«يراندا بولعان قايعىلى وقيعا – 160 مەكتەپ وقۋشى قىزدىڭ قازا تابۋى تۋرالى سۋىت حاباردى تەرەڭ كۇيزەلىسپەن قابىلدادىم. بەيبىت كۇندە ءبىلىم الىپ، بولاشاققا قادام باسۋى ءتيىس بالالاردىڭ ءومىرىنىڭ ءۇزىلۋى – بارشا ادامزات ءۇشىن ورنى تولماس قاسىرەت.
بالا تاربيەسىمەن اينالىساتىن ادام رەتىندە بالالار ەشقاشان قانداي دا ءبىر قاقتىعىستىڭ، جانجالدىڭ نەمەسە ساياسي تەكەتىرەستىڭ قۇربانى بولماۋى ءتيىس دەپ سانايمىن. ولاردىڭ قاۋىپسىزدىگى مەن اماندىعى – حالىقارالىق قاۋىمداستىق ءۇشىن دە، ءار مەملەكەت ءۇشىن دە ەڭ باستى قۇندىلىقتاردىڭ ءبىرى»،-دەدى ول.
مينيستر داۋلى ماسەلەلەردى بەيبىت جولمەن شەشۋ كەرەكتىگىن اتاپ ءوتتى.
«مەملەكەت باسشىسى قاسىم-جومارت كەمەلۇلى توقاەۆ حالىقارالىق ماسەلەلەردى ءاردايىم بەيبىت، ديپلوماتيالىق جولمەن شەشۋ قاجەتتىگىن ۇنەمى ايتىپ كەلەدى. بۇل – ادام ءومىرىن، اسىرەسە بالالاردىڭ بولاشاعىن قورعاۋعا باعىتتالعان سالماقتى ءارى دايەكتى ۇستانىم. مەن بۇل كوزقاراستى تولىق قولدايمىن. قازا بولعان يراندىق بالالاردىڭ اتا-انالارى مەن جاقىندارىنا كوڭىل ايتامىن»،-دەپ تۇيىندەدى سۇلەيمەنوۆا.
