سەرىك ەلىكباي. ماسەلە جاتتا ەمەس...

2304

ءيا!
تاعى ءيا!
ءبىز زەڭبىرەكتى ءوزىمىز جاساماي، جاتتان العان كەزدە-جەڭىلگەنبىز.
ءبىز ودان بۇرىن جىبەك ماتاعا اسىل مالىمىزدى ساتقان كەزدە-جەڭىلگەنبىز.
ءوز جولىمىزدى، جەرىمىزدەن وتەر سارا داڭعىلدى "جىبەك جولى" دەگەندە- جەڭىلگەنبىز.
تۇرىپ سارىر، جاتتىڭ ساماۋرىنىن ساتىپ العاندا-جەڭىلگەنبىز.
گەككەنىڭ وت قارۋى استىنا ارىسىمىزدى سالىپ بەرگەندە-جەڭىلگەنبىز.
بولىستىق، اعا سۇلتاندىقتى الساق دەپ سىزدەر ايتار "كەمەڭگەرلەر" بوتەن كەڭسەلەردە ءمۇلايىم كوز،  سىنعان جۇزبەن وتىرعاندا-جەڭىلگەنبىز.
جىگىتەكتىڭ ون جەتى "كوكجالىن" يتجەككەنگە ايداعاندا-جەڭىلگەنبىز.
الاشوردانىڭ اق تۋلارى ورىستان،  تاتاردان جار تاڭداعاندا-جەڭىلگەنبىز.
ۇلى دالاداعى قاراكوكتەردى "قويداي قۋ قامشىمەن" دەگەندە-جەڭىلگەنبىز.
بوگەنباي، قابانباي ۇرپاعى "زا ستالينا" دەپ اجال قۇشقاندا-جەڭىلگەنبىز...
ءبىز ءوزىمىزدى بوتەننەن قور ساناعاندا-جەڭىلگەنبىز.
ەندى،  ۇلى دەنەنىڭ بار شىرىگەن مۇشەسى-جەرگە ءۇزىلىپ ءتۇسىپ جاتىر!
باس جوق!
جۇرەك تە..
ەندى نامىس!
ۇلىڭ مەن قىزىڭدى جات سۇيرەلەپ اكەتىپ،  الىس ايماقتا تالاپ جەپ...كۇمىسىڭنەن كۇڭ جاساۋدا!
جاتىرىمىزعا سايتاني شاتىرلارىن تىگۋدە!
ءبىزدىڭ بەلدەن-ۋ تولدەر تۋدا!
ەلدىڭ قۇلى بولىپ ساتىلعان جۇرت-ساناسى كۇڭ ەلگە سىرعا سالىپ جاتىر...
ال ءسىز، ماعان ماڭگىلىك ەل دەپ-ساندىراقتايسىز...

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket