ەلىمىزدە ۋتيل الىم ماسەلەسى جونىندەگى پەتيتسياعا قاتىستى قوعامدىق تىڭداۋ وتەدى، دەپ حابارلايدى "ادىرنا" ۇلتتىق پورتالى.
ۋتيل الىمى ماسەلەسى جونىندەگى پەتيتسيانىڭ قوعامدىق تىڭداۋ 15 شىلدە كۇنى وتپەك. جالپى تىڭداۋ ونەركاسىپ جانە قۇرىلىس مينيسترلىگىنىڭ YouTube ارناسىندا ترانسلياتسيالار بولىمىندە تىكەلەي ەفيردە كورسەتىلەتىن بولادى.
قازاقستاندا ۋتيل الىمىنا قارسى پەتيتسياعا 50 مىڭنان اسا ادام قول قويىلعان بولاتىن. سوعان بايلانىستى ۋتيل ماسەلەسىن قارايتىن جۇمىس توبى قۇرىلىپ، ونىڭ مۇشەلەرى بەلگىلى بولعان.
بىراق جۇمىس توبىنىڭ العاشقى وتىرىسى 6 ماۋسىم كۇنى وتپەي قالدى. ويتكەنى ۋتيل الىمىنا قارسى پەتيتسيانى قارايتىن جيىنعا بەلسەندىلەردى تەلەفونمەن كىرگىزبەي قويعان.
ايتا كەتەيىك، اۆتوساراپشى سۇڭقار تۇرسىنۇلى ەكى ەسە تومەندەتىلگەن ۋتيلالىمنان حالىققا قايىر بولماي وتىرعانىن دا ايتادى. اۆتونارىق سالاسىنا وراي مامان قازاقستانداعى ۋتيلالىم الەمدىك نارىققا اسەر ەتپەيتىنىن ايتادى. ۋتيل الىمعا قارسى پەتيتسياعا 50 مىڭ ادام قول قويعان. ساراپشى جەڭىل اۆتوكولىكتەرگە ارنالعان ۋتيليزاتسيالىق الىم ءمولشەرىن 277 مىڭ تەڭگەدەن (2024 جىلى تولەنەتىن ەڭ از سوما) نەمەسە ەڭ جوعارى سوما – 2,1 ميلليون تەڭگەدەن 100 مىڭ تەڭگەگە دەيىن ازايتۋ، باسقا كولىك تۇرلەرىنە ۋتيليزاتسيالىق الىمدى نولگە تەڭ ەتۋ، ال اۋىل شارۋاشىلىعى تەحنيكاسىنان ونى مۇلدە الىپ تاستاۋ ۇسىنىلعانىن ايتادى.
