ۇكىمەت وتىرىسىنان كەيىن جۋرناليستەر ونەركاسىپ جانە قۇرىلىس ءمينيسترى قانات شارلاپاەۆتىڭ وستاۆكاسىنا قاتىستى سۇراق قويدى، دەپ حابارلايدى "ادىرنا" ۇلتتىق پورتالى.
ارىپتەستەردىڭ ءبىرى «ءسىزدىڭ ۋتيلالىمعا بايلانىستى ۇستانىمىڭىزدى قوعامدا بىردە-ءبىر ادام قولدامايدى. مۇنى ءار ءتۇرلى الەۋمەتتىك جەلىدە جازىلعان پىكىرلەر ارقىلى بىلۋگە بولادى. ءتىپتى ۋتيلالىمعا قارسى ازاماتتار ءسىزدىڭ وتستاۆكاعا كەتكەنىڭىزدى قالايدى. وسى ماسەلەنى شەشە الماساڭىز وتستاۆكاعا كەتۋگە دايىنسىز با؟» دەپ مينيستردەن سۇرادى.
"وسى ماسەلەنى شەشۋ ءۇشىن زاڭ بويىنشا جۇمىس ىستەۋىمىز قاجەت. ءسىز ايتقانداي مەنىڭ وتستاۆكاعا كەتۋىمدى تالاپ ەتكەن پىكىرلەر بار. مەن تيكتوكتاعى بىرنەشە ۆيدەولاردى كورىپ، ونداعى پىكىرلەردى وقىدىم. وندا مەنى قورقىتىپ جاتقان ادامدار دا بار. مەنىڭ ويىمشا، ءار جۇمىستى تەك زاڭ ارقىلى جۇرگىزىلۋى قاجەت. قازىرگى تاڭدا ۋتيل الىمدى الىپ تاستاۋعا بايلانىستى پەتيتسيا بويىنشا ەلۋ مىڭ داۋىس جينالدى جانە وسى پەتيتسيانى دا زاڭ جۇزىندە قاراستىرامىز. قانداي ماسەلە بولماسىن وسىلاي تالقىلاۋىمىز كەرەك. بىزدە دەپۋتاتتار، پارلامەنت، پەتيتسيا مەحانيزمى بار. سوندىقتان ءار نارسەنى زاڭ جۇزىندە شەشۋ كەرەك", – دەدى مينيستر.
