ونەركاسىپ جانە قۇرىلىس مينيسترلىگى ۋتيليزاتسيالىق الىمعا قارسى پەتيتسيانى قاراۋ ءۇشىن جۇمىس توبىنىڭ قۇرامىن بەكىتتى، دەپ حابارلايدى "ادىرنا" ۇلتتىق پورتالى.
بۇل تۋرالى مينيسترلىكتىڭ ءباسپاسوز قىزمەتى مالىمدەدى. ەندى ونەركاسىپ مينيسترلىگى ۋتيلالىمعا قارسى پەتيتسيانى ءبىر ايدان اسا ۋاقىت قاراستىرماق
"مينيسترلىك اكىمشىلىك راسىمدىك-پروتسەسسۋالدىق كودەكستىڭ 90-5-بابى 2-تارماعىنا سايكەس، پەتيتسيانى قارايتىن جۇمىس توبىنىڭ قۇرامىن بەكىتتى. ونىڭ قۇرامىنا پارلامەنت دەپۋتاتتارى، ونەركاسىپ جانە قۇرىلىس، ەكولوگيا جانە تابيعي رەسۋرستار، قارجى، اۋىل شارۋاشىلىعى، تسيفرلىق دامۋ، يننوۆاتسيالار جانە اەروعارىش ونەركاسىبى، مادەنيەت جانە اقپارات ۆيتسە-مينيسترلەرى، سىرتقى ىستەر ءمينيسترىنىڭ ورىنباسارى، باسقا دا مۇددەلى مەملەكەتتىك ورگانداردىڭ وكىلدەرى ەندى", - دەلىنگەن حابارلامادا.
جۇمىس توبىنىڭ قۇرامىنا پەتيتسيا باستاماشىلارى، ونەركاسىپ سەكتورىنىڭ وكىلدەرى كىرمەك. ال ۋتيل الىمعا قارسى پەتيتسيانى قاراۋ جۇمىسىن ونەركاسىپ جانە قۇرىلىس مينيسترلىگى ۇيىمداستىرادى.
ايتا كەتەيىك، وتكەن ايدا مينيستر شارلاپاەۆ بيلىكتىڭ ۋتيليزاتسيالىق الىمدى الىپ تاستاۋدى قاراستىرىپ جاتقان جوقتىعىن ايتقان بولاتىن.
