بيىلعى تەست تاپسىرۋ كەزىندە «ۇبت ءومىردىڭ ۇكىمى ەمەس» دەگەن ارەكەتىمەن ەستە قالعان مەكتەپ تۇلەگى ەمتيحان ناتيجەسىنە اتا-اناسىنىڭ قالاي قاراعانىن جانە ءوزىنىڭ بولاشاق جوسپارى جايىندا ايتادى.
الماتى وبلىسى، ىلە اۋدانى №12 ورتا مەكتەپتىڭ تۇلەگى ۇلتتىق بىرىڭعاي تەستىلەۋدەن 1 بالل العان ەراسىل ۋاليەۆ حالىق اراسىندا تانىمالدىققا يە بولدى. جەلى قولدانۋشىلاردىڭ ءبىر بولىگى «تومەن العاندارعا موتيۆاتسيا بولدى»، «ادامنىڭ ءبىلىمى مەن قابىلەتىن تەست انىقتامايتىنىن كورسەتتىڭ» دەپ قولداۋ بىلدىرسە, ەندى ءبىر بولىگى «اتىڭ شىقپاسا جەر ورتە, حايپ ءۇشىن جاساعان شىعار» دەپ ءوز ويلارىمەن بولىسۋدە. وسى ورايدا تالاپكەردىڭ نەلىكتەن مۇنداي ارەكەتكە بارعانىن وزىنەن سۇراپ ءبىلۋدىڭ ءساتى ءتۇستى.
- ەراسىل, ۇبت-نىڭ ەكىنشى مۇمكىندىگىن نەبارى 4 مينۋت قانا تاپسىرىپ, 1 بالل الىپسىڭ, بۇلاي جاساۋىڭا نە سەبەپ بولدى? وسىمەن نە دالەلدەگىڭ كەلدى?
- كوپ ادامدار ۇبت-نى جەتىستىككە جەتۋدىڭ جالعىز جولى دەپ ويلايدى. از بالل الىپ قالسا ومىرىمە بالتا شابىلدى دەپ قايعىرىپ جاتادى. ۇبت-نىڭ بولاشاققا جەتەلەيتىن جالعىز جول ەمەس ەكەنىن, بۇنىمەن ءومىردىڭ توقتاپ قالمايتىنىن دالەلدەگىم كەلدى. كوبى ءتىپتى وسى ءۇشىن ءوز-وزىنە قول سالۋعا دەيىن باراتىن جاعدايلار ءجيى كەزدەسەدى. 1 بالل العاننان كەيىن ماعان«سەنىڭ ارقاڭدا دەپرەسسيادان شىقتىم» دەپ جازعاندار كوپ بولدى.
- بۇل ارەكەتىڭە اتا-اناڭنىڭ رەاكتسياسى قانداي بولدى?
- ءبىرىنشى ەستىگەن كەزدە كىشكەنە ۇرىستى. سەبەبى, ولار مەنىڭ جوسپارلى تۇردە جاساعانىمدى بىلمەيتىن. بىراق, نە ءۇشىن بۇلاي جاساعانىمدى دۇرىستاپ ايتىپ بەرگەننەن كەيىن ولار ءتۇسىنىپ, قولداۋ ءبىلدىردى.
- گرانت كونكۋرسىنا تەستءىڭ ءبىرىنشى مۇمكىندىگىنەن العان 93 بالل ناتيجەسىمەن قاتىساتىن شىعارسىڭ, قانداي ماماندىققا تاپسىراسىڭ? قاي ۋنيۆەرسيتەتتىڭ ستۋدەنتى اتانعىڭ كەلەدى?
- جوسپارىم – شەتەلدە ءبىلىم الۋ. سلوۆاكيا ۋنيۆەرسيتەتىنە تەست تاپسىرىپ قويعانمىن, قازىر جاۋابىن كۇتىپ وتىرمىن. تۇسپەي قالعان جاعدايدا ءبىرىنشى ناتيجەممەن «مەيرامحانا ءىسى» ماماندىعى بويىنشا گرانت كونكۋرسىنا قاتىسامىن. ۋنيۆەرسيتەتتى ءالى ناقتى تاڭدامادىم.
- جەلى جۇلدىزىنا اينالماي تۇرىپ تا بلوگ جۇرگىزىپ باستاعان ەكەنسىڭ, 1 بالل العانىڭنىڭ بۇلتۇستا پايداسى ءتيىپ جاتقان سياقتى. بلوگىڭدا نە تۋرالى ايتاسىڭ?
- ءيا, قاتتى اسەر ەتىپ جاتىر. باستاعان كەزدە كۇلگەنادامدار قازىر كەلىپ, مەنىمەن سۋرەتكە ءتۇسىپ ءجۇر. مەنىڭ قىزىعاتىن سالام وتە كوپ, تەك بىرەۋىمەن شەكتەلگىم كەلمەيدى. سول سەبەپتى, بلوگىمدا جالپى جەكە دامۋ جايلى ايتامىن دەپ شەشتىم. ءوزىم بار مۇمكىندىگىمدى پايدالانىپ, قالاي دامىعانىمدى كورسەتەمىن, بارىنشا پايدالى اقپاراتتارمەن بولىسەمىن.
- ۋاقىت ءبولىپ سۇحباتتاسقانىڭا راقمەت! ساتتىلىك!
مەرەي مىرزاعاليقىزى
«ادىرنا» ۇلتتىق پورتالى
