ۇلتتىق تەستىلەۋ ورتالىعى اعاسى ءىنىسىنىڭ ورنىنا ۇبت تاپسىرماق بولعانىن مالىمدەدى، دەپ حابارلايدى “ادىرنا” ۇلتتىق پورتالى.
"بيىلعى ۇبت ء"بىر تەستىلەۋشى - ءبىر كومپيۋتەر - ەكى كامەرا" ءپرينتسيپى بويىنشا ءوتتى. ءبىر كامەرا تالاپكەردى تەست تاپسىرۋ بارىسىن قاداعالاسا، ەكىنشى كامەرا سول ادامنىڭ ءوزى وتىرعان-وتىرماعانىن بەلگىلەنگەن ۋاقىتتىڭ ىشىندە سۋرەتكە ءتۇسىرىپ، تىركەيدى. تەستىلەۋدىڭ باسىنان اياعىنا دەيىن ءبىر ادام وتىرعانىن باقىلايدى.
ءبىز تەست تاپسىرۋ بارىسىندا تەست تاپسىرۋشىنىڭ ورنىنا باسقا ادام كىرگەن بىرنەشە وقيعانى انىقتادىق. سولاردىڭ ءبىرى - اعاسى ءىنىسىنىڭ ورنىنا ۇبت تاپسىرۋعا تىرىسقان. بىراق بيومەتريكا، كىرە بەرىستەگى بەت-الپەتتى تانۋ جۇيەسى ارقاسىندا بۇعان جول بەرىلمەدى. ءتيىستى شارالار قابىلداندى", - دەدى ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ ورتالىق كوممۋنيكاتسيالار قىزمەتىندە وتكەن بريفينگتە.
سونىمەن قاتار، تەستىلەۋ ورتالىعىنىڭ ديرەكتورى جالپى ۇبت كەزىندە تىيىم سالىنعان زاتتاردى الىپ ءجۇرۋ ارەكەتتەرى جانە ەرەجە بۇزۋ دەرەكتەرى ازايعانىن ايتتى.
"2021 جىلى ۇبت-عا تىيىم سالىنعان زاتتاردى اكەلۋگە 756 ارەكەت جاسالسا، بيىل مۇنداي 327 وقيعا تىركەلدى. بۇل كورسەتكىش 2022 جىلى مۇنداي قاتىسۋشىلاردى تەستىلەۋگە جىبەرمەۋ تۋرالى ەرەجەنىڭ ەنگىزىلۋىنە بايلانىستى ازايدى.
مىسالى، 2019 جىلى كىرەبەرىستەن 128 000 تىيىم سالىنعان زات تابىلدى. بيىل 2019 جىلمەن سالىستىرعاندا پاراق پەن سمارتفون الىپ ءجۇرۋدى قالايتىندار سانى ازايدى", - دەدى ول.
تەستىلەۋ كەزىندە ەرەجەنى بۇزعانى ءۇشىن 322 تالاپكەر اۋديتوريادان شىعارىلدى، ولاردىڭ ناتيجەلەرى جويىلدى.
"بىلتىر تەستىلەۋ بارىسىندا 1305 ادام اۋديتوريادان شىعارىلدى. سونىمەن قاتار، ءبىز 2022 جىلدىڭ 31 جەلتوقسانىنا دەيىن بارلىق بەينەماتەريالدى تالدايمىز. ۇبت كەزىندە تىيىم سالىنعان زاتتاردى پايدالانۋ نەمەسە ەرەجەنى بۇزۋ دەرەكتەرى انىقتالسا، ناتيجەلەر ءبىلىم بەرۋ گرانتىن تاعايىنداۋ تۋرالى شەشىم جويىلعانعا دەيىن شىعادى. مىسالى، نورما العاش رەت 2020 جىلى ەنگىزىلدى، سودان كەيىن بەينەجازبانى كورگەننەن كەيىن 152 ۇمىتكەردىڭ ناتيجەسى جويىلدى، 2021 جىلى - 52", - دەپ قوستى رۋسلان ەمەلباەۆ.
ۇبت قورىتىندىسى بويىنشا قازىرگى تاڭدا 15 قاتىسۋشىنىڭ ناتيجەسى جويىلدى، 200-دەن استام تەست تاپسىرۋشىنىڭ ناتيجەسى تەكسەرىلىپ جاتىر.
“ادىرنا” ۇلتتىق پورتالى
