قازاقستاندا اسكەري بورىشىن وتەگەندەر ۇبت تاپسىرماي-اق ۋنيۆەرسيتەتتە تەگىن وقيدى. بۇل تۋرالى قورعانىس ۆيتسە-ءمينيسترى دارحان احماديەۆ ايتتى، دەپ حابارلايدى “ادىرنا” ءتىلشىسى.
“بۇگىن قورعانىس ءمينيسترى رۋسلان جاقسىلىقوۆ جانە عىلىم جانە جوعارى ءبىلىم ءمينيسترى ساياسات نۇربەكتىڭ قولداۋى ناتيجەسىندە 44 جوعارى وقۋ ورىنىمەن اسكەري بورىشىن وتەگەندەرگە 3 مىڭ گرانت بەرۋ تۋرالى مەموراندۋمعا قول قويدى. ياعني ءبىر جىل اسكەري بورىشىن وتەگەندەر وسى جوعارى وقۋ ورنىنا ۇبت-سىز تۇسە الادى. سونداي-اق اسكەردە جاقسى ناتيجە كورسەتكەن جىگىتتەر جوو ەسەبىنەن تەگىن جوعارى ءبىلىم الۋ مۇمكىندىگىنە يە بولادى”، - دەپ جازدى دارحان احماديەۆ Facebook-تە.
ونىڭ ايتۋىنشا، تەگىن وقۋعا جىبەرىلەتىن ساربازداردى ىرىكتەۋ كەزىندە سىبايلاس جەمقورلىققا جول بەرمەۋ ءۇشىن اسكەري قىزمەتشىنىڭ رەيتينگىن ايقىندايتىن جانە ۋنيۆەرسيتەت بولەتىن گرانتتىڭ تسيفرلىق پلاتفورمانى ازىرلەۋ تۋرالى شەشىم قابىلدانعان.
«پلاتفورما جاۋىنگەرلىك، دەنە شىنىقتىرۋ جانە ارنايى دايارلىقتى باعالاۋ ناتيجەلەرى بويىنشا ءاربىر ساربازدىڭ جەكە رەيتينگىن ايقىندايدى. سونىمەن قاتار، رەيتينگكە ولاردىڭ پسيحولوگيالىق جاي-كۇيى مەن جاۋىنگەرلىك كەزەكشىلىگىن اتقارۋ ناتيجەسى دە كىرەدى. بارلىق دەرەك قورعانىس مينيسترلىگىندە جيناقتالادى ءارى ونى وزگەرتۋگە بولمايدى»، - دەدى ۆيتسە-مينيستر.
