قازىر لۋدومانياعا ايەلدەر دە شالدىعۋدا. بۇل تۋرالى اتىراۋ قالاسىنداعى لۋدومانييا دەرتىنە شالدىققاندارعا كومەكتەسەتىن “جاڭا ءوءمىر” قولداۋ ورتالىعىن قالاۋشى نۇرتاس نۇرعاليۇلى ايتىپ بەردى.
نۇرتاس نۇرعاليۇلىنىڭ ويىن قۇمارلىقتان ارىلعانىنا 2 جىل بولعان. 12 جىل بويى لۋدومانيانىڭ ارباۋىندا قالىپ، جاقىندارى تەرىس اينالعانىن ايتادى.
- قۇمار ويىندارعا تاۋەلدىلىك نەمەسە پاتولوگيالىق قۇمار ويىندار - اۋىر پسيحيكالىق بۇزىلىس. بۇل بۇزىلىس جەكە جانە كاسىبي ومىردە ەلەۋلى پروبلەمالارعا، قارجىلىق قيىندىقتارعا جانە پسيحيكالىق جانە فيزيكالىق دەنساۋلىقتىڭ ناشارلاۋىنا اكەلەدى, - دەيدى ول.
«ءوز - وزىمە ەكى رەت قول جۇمسادىم...»
ءوز تاجىريبەسىمەن بولىسكەن نۇرتاس «ويىننان ايىققانىما 2 جىلدان استى. وڭالتۋ ورتالىقتارىندا بولدىم، ءبىرشاما ماماندارمەن جۇمىس ىستەدىم. ەندى مىنە، ءوزىم دە لۋدومانياعا شالدىققاندارعا كومەكتەسۋدەمىن» دەيدى.
- مەن 12 جىل ويىن وينادىم. 9 سىنىپتا باستادىم. ءوزىم فۋتبول جاقسى كورگەن سوڭ، فۋتبولعا ءباس تىگىپ كوردىم. وكىنىشكە قاراي، العاشقى ءباس تىگۋىم ۇتىسپەن بولىپ، سول ۇتىستىڭ ءدامىن سەزگەن سوڭ، ويىندى جالعاستىردىم. ءسوءيستىپ سول ويىنىم 12 جىلعا سوزىلدى. 12 جىل ىشىندە ءوز-وزىمە ەكى رەت قول جۇمسادىم، جۇبايىممەن اجىراستىم، دوستارىممەن ايىرىلدىم, تۋىس الدىندا ابىرويىم كەتتى. ابىرويىممەن قوسا، ەركەكتىك مىنەزىم كەتىپ، ءسوزىمنىڭ سالماعى قالمادى. قازاقتا ء“تىرى ولىك” دەيدى عوي, ءدال سونداي كيىپتە ءومىر ءسۇردىم، - دەپ ەسكە الادى نۇرتاس نۇرعاليۇلى.
نۇرتاس نۇرعاليۇلىنىڭ ايتۋىنشا، «جاڭا ءومىر» ورتالىعىنىڭ اشىلعانىنا 9 اي بولعان.
- قازىرگە دەيىن شامامەن 100 ادام كەلدى. ايعا بولسەك، ايىنا 10-عا جۋىق ادامنان كەلىپ وتىرادى. وكىنىشكە قاراي، قازىر ەر ازاماتتار عانا ەمەس، ايەل ادامدار دا كەلۋدە. بۇل قوعامنىڭ دەرتىنە اينالىپ وتىر, - دەيءدى مامان.
ونىڭ سوزىنەن ۇققانىمىز كەمشىلىگىن ءوزى مويىنداپ كەلەتىن ادامداردىڭ كەلۋى دە ءبىر قۋانىش.
- بىزگە كەلگەن ادامدى ەمدەيتىن سيقىرلى ءدارى جوق. ەڭ ءبىرىنشى وعان ۇعىم بەرەمىز. ياعني، ويىنعا نەگە كىرىپ كەتتى، نەمەن اينالىسىپ ءجۇر، ودان قالاي شىعۋ كەرەك جولدارىن كورسەتەمىز, - دەيدى نۇرتاس نۇرعاليۇلى.
«وينايتىن ادام امالىن تابادى»
نۇرتاس نۇرعاليۇلى تاياۋدا قابىلدانعان «ويىن بيزنەسى، لوتەرەيا قىزمەتى، دەنساۋلىق ساقتاۋ، مەملەكەتتىك ەڭبەك ينسپەكتسياسى، مەملەكەتتىك باقىلاۋ جانە ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ دا ادامداردىڭ يگىلىگىنە قىزمەت ەتسە ەكەن دەيدى.
- وسى زاڭدا جۇبايىڭسىز نەسيە الۋعا بولمايتىنى جانە ءوزىن-ءوزى شەكتەۋ 10 جىلعا ۇزارتىلعانى ۇنادى. زاڭ بار، دەگەنمەن، ول قاداعالاۋ دەگەن دە بولۋى كەرەك، - دەيدى ول.
- مەنىڭ كەزىمدە 25 جاسقا دەيىنگىلەرگە ويناۋعا بولمايتىن ەدى. وكىنىشكە قاراي، مەن 13 جاسىمدا باستاپ وينادىم, - دەپ سالىستىرادى ول.
ايتۋىنشا، وينايتىن ادام امالىن تابادى.
- اكەسىنىڭ شوتىمەن وينايدى، بولماسا باسقا مەملەكەتتەردىڭ بۋكمەكەرىنە كءىرىپ وينايدى. سوندىقتان قابىلدانعان جاڭا زاڭدى قاتاڭ ۇستانىپ، قاداعالاۋ قاجەت, - دەءيدى «جاڭا ءومىر» ورتالىعىنىڭ باسشىسى نۇرتاس نۇرعاليۇلى.
اتالعان زاڭ بويىنشا قۇمار ويىندارعا/باس تىگۋگە قاتىسۋىنا تىيىم سالىناتىن ادامدار ساناتىنىڭ ءتىزىمى كەڭەيتىلدى. ەندى ولاردىڭ قاتارىنا بورىشكەرلەردىڭ بىرىڭعاي تىزىلىمىندە تۇرعان تۇلعالار قوسىلدى. سونىمەن قاتار سىبايلاس جەمقورلىققا قارسى شەكتەۋ ەنگىزۋ ارقىلى جاۋاپتى مەملەكەتتىك لاۋازىمدى اتقاراتىن، مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامداردىڭ، ولارعا تەڭەستىرىلگەن ادامداردىڭ قۇمار ويىندارعا/باس تىگۋگە قاتىسۋىنا شەكتەۋ قويىلادى.
دانا نۇرمۇحانبەت
“ادىرنا” ۇلتتىق پورتالى
