مادەنيەت سالاسى قىزمەتكەرلەرىنىڭ جالاقىسى 2025 جىلعا دەيىن 100 پايىزعا وسەدى. بۇل تۋرالى قر مادەنيەت جانە سپورت ءمينيسترى داۋرەن اباەۆ مالىمدەدى، دەپ جازادى "ادىرنا" ۇلتتىق پورتالى.
24.kz حابارلاۋىنشا، جامبىل وبلىسى تۇرعىندارىمەن كەزدەسۋدە داۋرەن اباەۆ قاتىسۋشىلاردىڭ بارلىق ساۋالدارىنا جاۋاپ بەردى. ماسەلەلى دەپ قويىلعان العاشقى سۇراق – جالاقىعا بايلانىستى بولدى. سەبەبى سالا قىزمەتكەرلەرى ايلىقتى كوتەرۋ بويىنشا ۇسىنىس بىلدىرگەن بولاتىن. ەندى مىنە مينيسترمەن كەزدەسۋدە ناقتى جاۋاپ الدى.
"جالاقى كوتەرىلىپ جاتىر 2021 جىلدان باستاپ. 25 جىلعا دەيىن 100 پايىزعا دەيىن 20\20 پايىزعا كوتەرىلىپ، 100 پايىزعا دەيىن جەتەدى. ەكى ەسە جالاقىلارى كوبەيەدى. بىراق تا ءبىز ينفلياتسيا ماسەلەسىن دە تۇسىنەمىز. مەملەكەت جالاقىنى كوتەرۋگە ىنتاسى جوعارى. بىراق تا بۇل ەكونوميكا نارىقتىڭ كىرىسى بار شىعاسى بار ءبارىن ەسەپتەۋ كەرەك", - دەدى داۋرەن اباەۆ.
جيىندا جاس مامانداردى ۋاقىتشا باسپانامەن قامتۋ، مادەنيەت سالسىنداعى تەحنيكالىق قىزمەتكەرلەردىڭ ايلىعىن ارتتىرۋ ماسەلەسى كوتەرىلدى. مينيستر مۇنىڭ ءبارىن قاراستىرىپ، ۇكىمەتكە ۇسىنىس جاسايتىنىن جەتكىزدى. ايماقتا بيىل ارت سپورتىن قارجىلاندىرۋدان قيىندىقتار تۋىنداعان ەدى. جاۋاپتى ۆەدومستۆو باسشىسى كەلەر جىلى ماسەلە بولمايدى دەپ سەندىردى. سەبەبى بۇل باعىتقا 2 ملرد تەڭگە بولىنگەن. شارادا سپورتشىلارعا ءومىر بويى بەرىلەتىن تولەماقى جايى دا كوتەرىلدى. كەزدەسۋ بارىسىندا «ەجەلگى تاراز» مۇراجايى دا ءسوز بولدى. مينيستر جەرگىلىكتى بيلىكپەن بىرىگىپ، عيماراتتى مينيسترلىكتىڭ بالانسىنا الۋ جايىن قاراستىراتىنىن مالىمدەدى.
"ادىرنا" ۇلتتىق پورتالى
