قازتالوۆ اۋدانىنىڭ اكىمى اسلانبەك سارقۇلوۆ استانا كۇنى قارساڭىندا ەكى وتباسىعا باسپانا كىلتىن تابىستاپ، قۋانىشىمەن ءبولىستى. سالتاناتتى شارادا اۋدان اكىمى اسلانبەك احمەتوللاۇلى باسپانا يەلەرىن قۇتتىقتاپ، جىلى لەبىزىن ءبىلدىردى، دەپ حابارلايدى "ادىرنا" ۇلتتىۇ پورتالى.
"بۇگىن اۋدان ورتالىعىندا قوس بىردەي باسپانانىڭ بەرىلۋى مەملەكەتتىك باعدارلامالاردىڭ جۇزەگە اسىپ جاتىرعانىنىڭ ايقىن كورىنىسى. قازىرگى تاڭدا حالىقتى تۇرعىن ۇيمەن قامتاماسىز ەتۋ ماسەلەسى وتە وزەكتى. مەملەكەت باسشىسى قاسىم-جومارت كەمەلۇلى توقاەۆ «ادال ادام – ادال ەڭبەك – ادال تابىس» اتتى ۇلتتىق قۇرىلتايدىڭ ءۇشىنشى وتىرىسىندا «بۇعان قوسا اۋىل جانە اۋدان ورتالىعىنىڭ تۇرعىندارىنا ارنالعان جاڭا تۇرعىن ءۇي باعدارلاماسىن قولعا الۋ كەرەك. بۇل رەتتە الەۋمەتتىك تۇرعىدا وسال توپتاعى جاندار ءۇشىن نەسيە ءوسىمى 7 پايىزدان اسپاۋى قاجەت. سونىمەن قاتار ساتىپ الۋ قۇقىعىمەن جالعا بەرىلەتىن باسپانا سانىن بىرنەشە ەسە كوبەيتۋدى ۇكىمەتكە تاپسىرامىن»، – دەپ تاپسىرما بەرگەن بولاتىن. بۇگىن تۇرعىن ءۇي كەزەگىندەگى ەكى وتباسىنى باسپانامەن قامتاماسىز ەتىپ وتىرمىز. باسپانا يەلەرىنە زور دەنساۋلىق، وتباسىلارىنا اماندىق، شاڭىراق شاتتىعىن تىلەيمىن", — دەدى اۋدان اكىمى.
باسپانا كەزەگىندەگى تۇرعىنداردى ساتىپ الۋ قۇقىقىعىمەن جالعا بەرىلەتىن تۇرعىن ۇيمەن قامتاماسىز ەتۋ حالىق ءۇشىن ۇلكەن مۇمكىندىك. جاڭا باسپانالارعا ءۇيى اپاتتى دەپ تانىلعان اسىلزادا زۇلقارناەۆا جانە 20 جىل ەڭبەك ءوتىلى بار، 2012 جىلدان بەرى تۇرعىن ءۇي كەزەگىندە تۇرعان بيۋدجەتتىك سالا قىزمەتكەرى شالىققانىم بۇيراشەۆا يە بولدى.
كازتالوۆ اۋدانىندا قازىرگى تاڭدا مەملەكەتتىك باعدارلاما اياسىندا 28 اۋىلدا 116 تۇرعىن ءۇيدىڭ قۇرىلىس جۇمىستارى جۇرگىزىلىپ جاتىر. قۇرىلىس ساپاسى اۋدان اكىمى مەن جەرگىلىكتى قوعامداستىقتىڭ ءجىتى باقىلاۋىندا.
