ۇلتتىق بانك توراعاسى ەربولات دوساەۆ ۇكىمەت وتىرىسىندا 75 مىڭنان استام قازاقستاندىق زەينەتاقى جيناعىنىڭ ءبىر بولىگىن العانىن مالىمدەدى، دەپ حابارلايدى "ادىرنا" ۇلتتىق پورتالى
– بيىلعى قاڭتاردا اقپاراتتىق جۇيەلەردى ينتەگراتسيالاۋعا بايلانىستى دايىندىق جۇمىسى اياقتالعان سوڭ بىرىڭعاي جيناقتاۋشى زەينەتاقى قورى ازاماتتاردىڭ زەينەتاقى جيناقتارىنىڭ ءبىر بولىگىن الۋعا ارنالعان وتىنىمدەرىن قابىلداي باستادى. 12 اقپانداعى جاعداي بويىنشا 1 855,9 ملرد تەڭگە سوماسىنا 115 608 ءوتىنىم قابىلداندى. ونىڭ ىشىندە 423,6 ملرد تەڭگە سوماسىنا 78 074 ءوتىنىم وڭدەۋگە قابىلدانىپ، ماقۇلداندى. 12 اقپاندا بجزق 408,2 ملرد تەڭگە سوماسىنا 75 186 ءوتىنىم بويىنشا بىرجولعى زەينەتاقى تولەمىن اۋداردى، – دەدى ول.
قازاقستاندىقتاردىڭ باسىم كوپشىلىگى زەينەتاقى قورىنىڭ ءبىر بولىگىن قايدا جۇمساعاندارىن دا ايتتى.
– ازاماتتار الىنعان جيناقتاردىڭ 87 پايىزىن – تۇرعىن ءۇي ماسەلەلەرىن شەشۋگە، ونىڭ 45,5 پايىزىن – تۇرعىن ءۇي ساتىپ الۋعا (يپوتەكاسىز), 28,3 پايىزىن – يپوتەكالىق قارىز بويىنشا بەرەشەكتى وتەۋگە، 10,5 پايىزىن – ەكىنشى دەڭگەيدەگى بانكتەرگە باستاپقى جارنا ءۇشىن جانە وتباسى بانكىندە يپوتەكا الۋعا، 2,3 پايىزىن – جەكە تۇرعىن ءۇي قۇرىلىسىن سالۋعا، يپوتەكانى قايتا قارجىلاندىرۋعا، ساتىپ الۋ قۇقىعىمەن جالداۋ شارتى بويىنشا بەرەشەكتى وتەۋگە جانە وزگە دە ماقساتتارعا جۇمساۋعا الدى، – دەدى دوساەۆ.
