قىرعىزستانداعى “شۇڭقىرشاق” شاتقالىندا ارقانمەن سەكىرۋ كەزىندە (Fly jump) قۇلاعان ورتا جاستاعى ەر ادامنىڭ قازا تاپقانى ايتىلدى، دەپ حابارلايدى “ادىرنا” ۇلتتىق پورتالى.
كۋاگەرلەردىڭ ايتۋىنشا، كوپشىلىك ەر ادامعا كومەكتەسپەك بولعان، بىراق ول العان جاراقاتىنان سول جەردە جان تاپسىرعان.
بەلگىلى بولعانداي، وقيعا 6 شىلدە كۇنى تۇسكى ۋاقىتتا بولعان. وسى اۋماقتا دەمالۋشىلارمەن بىرگە بولعان گيدتەردىڭ ءبىرى ەر ادامنىڭ 25 مەتردەن قۇلاعانىن ايتتى.
«وقيعا ورنىندا دارىگەرلەر بولدى، ولار ونى قۇتقارماق بولدى، بىراق ولار وعان كومەكتەسە المادى»، - دەدى گيد.
گيدتىڭ ايتۋىنشا، بارلىق ارقاندار جىرتىلعان - ولاردىڭ توزىعى جەتكەن بولۋى دا مۇمكىن.
الدىن الا مالىمەت بويىنشا، مارقۇم ارقانمەن سەكىرۋگە وتباسىمەن بىرگە كەلگەن – قاسىندا ءۇش بالاسى دا بولعان.
شۋ وبلىسى ءىىب ءباسپاسوز قىزمەتى وقيعا تۋرالى اقپاراتتى راستادى. بۇل رەتتە مارقۇمنىڭ قازاقستان ازاماتى ما، جوق پا ەكەنى دە ناقتىلانادى. وقيعا ورنىندا جەدەل-تەرگەۋ توبى جۇمىس ىستەپ جاتىر.
