قازاقستان مەن قىرعىزستان شەكاراسىندا جۇك كولىكتەرىنىڭ كەزەگى ۇزاردى، دەپ حابارلايدى "ادىرنا" ۇلتتىق پورتالى.
ەۋرازيالىق ەكونوميكالىق كوميسسيا مالىمەتىنشە، قازاقستان تاراپى شەكارادان ءوتۋ ۋاقىتىن ۇزارتقان شارالاردى زاڭسىز تاۋار تاسىمالىنا قارسى باعىتتالعان جوسپارلى تەكسەرىستەر دەپ ءتۇسىندىردى. بۇل تەكسەرىستەر ۇلتتىق قاۋىپسىزدىكتى قامتاماسىز ەتۋ جانە ءتارتىپ ورناتۋ ماقساتىندا جۇرگىزىلىپ جاتىر.
استانا قىرعىزستانمەن تاتۋ كورشىلىك قارىم-قاتىناستى جوعارى باعالايتىنىن جانە زاڭسىز ساۋداعا قارسى بىرلەسىپ كۇرەسۋگە دايىن ەكەنىن ايتتى. كوميسسيا شەكارالىق باقىلاۋ ءار مەملەكەتتىڭ ءوز قۇزىرەتىندە ەكەنىن ەسكە سالىپ، بۇل جاعداي ەۋرازيالىق ەكونوميكالىق وداقتاعى (ەاەو) ينتەگراتسيالىق ۇدەرىستەرگە اسەر ەتپەيتىنىن جەتكىزدى.
ەاەو اياسىندا ءوزارا ساۋدادا كەدەندىك باقىلاۋ تەك ەرەكشە جاعدايلاردا عانا جۇرگىزىلەدى. كولەڭكەلى تاۋار اينالىمىمەن كۇرەس باستى باعىت بولىپ، تاۋارلاردى تاڭبالاۋ مەن قاداعالاۋ جۇيەلەرى ەنگىزىلىپ، كەدەندىك باقىلاۋ كۇشەيتىلگەن.
