Qyrǵyzstandaǵy “Shuńqyrshaq” shatqalynda arqanmen sekirý kezinde (Fly jump) qulaǵan orta jastaǵy er adamnyń qaza tapqany aıtyldy, dep habarlaıdy “Adyrna” ulttyq portaly.
Kýágerlerdiń aıtýynsha, kópshilik er adamǵa kómektespek bolǵan, biraq ol alǵan jaraqatynan sol jerde jan tapsyrǵan.
Belgili bolǵandaı, oqıǵa 6 shilde kúni túski ýaqytta bolǵan. Osy aýmaqta demalýshylarmen birge bolǵan gıdterdiń biri er adamnyń 25 metrden qulaǵanyn aıtty.
«Oqıǵa ornynda dárigerler boldy, olar ony qutqarmaq boldy, biraq olar oǵan kómektese almady», - dedi gıd.
Gıdtiń aıtýynsha, barlyq arqandar jyrtylǵan - olardyń tozyǵy jetken bolýy da múmkin.
Aldyn ala málimet boıynsha, marqum arqanmen sekirýge otbasymen birge kelgen – qasynda úsh balasy da bolǵan.
Shý oblysy IIB baspasóz qyzmeti oqıǵa týraly aqparatty rastady. Bul rette marqumnyń Qazaqstan azamaty ma, joq pa ekeni de naqtylanady. Oqıǵa ornynda jedel-tergeý toby jumys istep jatyr.
