"جاسىل دامۋ" او ۋتيلالىمنان جينالعان سومانىڭ كولەمىن جاريالادى. بۇدان بۇرىن دا "وپەراتور" روپ جشس جاريا ەتكەن ەدى. قازىر ءبارى "جاسىل دامۋ" او بەرىلدى عوي.
2016 جىلدىڭ قىركۇيەگىنەن 2021 جىلعا دەيىن "وپەراتور" روپ جشس-نە حالىقتان 614,5 ميلليارد تەڭگە جينالعان.
ال، "جاسىل دامۋ" او 2022 جىل مەن 2023 جىل اراسىندا 447,3 ميلليارد تەڭگە جيناپ العان.
2016 جىل مەن 2023 جىل اراسىندا ۋتيلالىمنان 1 تريلليون تەڭگە جيناپ العان.
ال بۇعان قوسىمشا قوسىمشا قۇن سالىعى 12%، كەدەن سالىقتارى ءار كولىكتەن 15% ارالىعىندا ۇستالىپ وتىرعان. العاشقى تىركەۋ ءوز الدىنا، وعان ميلليونداپ وپىرىپ جاتىر.
بۇل سوڭعى قارجى ەمەس. بۇلار مەملەكەتتەن باسقا دا جەڭىلدىكتەرگە يە بولدى. سالىقتان بوساتىلدى. قوسىمشا قۇن سالىعىنان دا بوساتىلىپ، دامۋ بانكىنەن نەسيەلەر الىپ كەلدى. سونىڭ ءبارىن ەسكەرە كەلە، حالىقتان بارلىعى 2 تريلليون تەڭگەگە جۋىق قاراجات جيناپ العان.
دوللارعا شاققاندا 5 ميلليارد دوللاردى قۇرايدى. بۇل قاراجاتقا تولىق جۇمىس تسيكلىندەگى 4 اۋقىمدى اۆتو ءوندىرىس سالۋعا بولادى. ءتىپتى، قوسىمشا ينفراستۋكتۋراسىمەن جاساقتاپ الۋعا جەتەدى.
ءدال وسى قاراجاتپەن جەمقورلىقسىز جوسپارلى تۇردە پروتسەستى جۇرگىزگەن بولسا، ەلدەگى 40% جۋىق اۆتوكولىك جەڭىل باعادا، قولجەتىمدى، ءارى جاڭارىپ شىعا كەلەر ەدى.
بۇلار سەگىز جىل تريلليونداعان اقشا جيناپ الدى، قانە ءمىنىپ جۇرگەن قولجەتىمدى ءارى جاڭارىپ تۇرعان كولىگىمىز!؟
مىنە، بىزدەگى اۆتويندۋستريانىڭ جاعدايى.
ونەركاسىپ جانە قۇرىلىس ءمينيسترى قانات شارلاپاەۆ ءوزىن ءوزى قاشانعى الداي بەرەدى!؟
بەكبولات قارجان
