"Jasyl Damu" AO utilalymnan jinalǧan somanyŋ kölemın jariialady. Būdan būryn da "Operator" ROP JŞS jariia etken edı. Qazır bärı "Jasyl Damu" AO berıldı ǧoi.
2016 jyldyŋ qyrküiegınen 2021 jylǧa deiın "Operator" ROP JŞS-ne halyqtan 614,5 milliard teŋge jinalǧan.
Al, "Jasyl Damu" AO 2022 jyl men 2023 jyl arasynda 447,3 milliard teŋge jinap alǧan.
2016 jyl men 2023 jyl arasynda utilalymnan 1 trillion teŋge jinap alǧan.
Al būǧan qosymşa qosymşa qūn salyǧy 12%, keden salyqtary är kölıkten 15% aralyǧynda ūstalyp otyrǧan. Alǧaşqy tırkeu öz aldyna, oǧan milliondap opyryp jatyr.
Būl soŋǧy qarjy emes. Būlar memleketten basqa da jeŋıldıkterge ie boldy. Salyqtan bosatyldy. Qosymşa qūn salyǧynan da bosatylyp, Damu bankınen nesieler alyp keldı. Sonyŋ bärın eskere kele, halyqtan barlyǧy 2 trillion teŋgege juyq qarajat jinap alǧan.
Dollarǧa şaqqanda 5 milliard dollardy qūraidy. Būl qarajatqa tolyq jūmys siklındegı 4 auqymdy avto öndırıs saluǧa bolady. Tıptı, qosymşa infrastukturasymen jasaqtap aluǧa jetedı.
Däl osy qarajatpen jemqorlyqsyz josparly türde prosestı jürgızgen bolsa, eldegı 40% juyq avtokölık jeŋıl baǧada, qoljetımdı, ärı jaŋaryp şyǧa keler edı.
Būlar segız jyl trilliondaǧan aqşa jinap aldy, qane mınıp jürgen qoljetımdı ärı jaŋaryp tūrǧan kölıgımız!?
Mıne, bızdegı avtoindustriianyŋ jaǧdaiy.
Önerkäsıp jäne qūrylys ministrı Qanat Şarlapaev özın özı qaşanǧy aldai beredı!?
Bekbolat Qarjan
Ūqsas jaŋalyqtar
