بۇگىن - "بەسەۋدىڭ حاتى" جازىلعان كۇن، دەپ حابارلايدى "ادىرنا" ۇلتتىق پورتالى.
1932 جىلى 4 شىلدەدە قازاقتىڭ بىرقاتار زيالىسى قازاق ولكەلىك كوميتەتىنىڭ ءبىرىنشى حاتشىسى فيليپپ گولوششەكينگە حات جازعان. حاتتا حالىقتىڭ سول جىلدارداعى احۋالىن باياندالعان. گولوششەكينگە مال شارۋاشىلىعىنىڭ كۇيرەگەنى، سوتسيولوگيالىق قايتا قۇرۋلار، وتىرىقشىلاندىرۋ مەن ۇجىمداستىرۋ، الىم-سالىق جيناۋ ساياساتىنىڭ اشارشىلىققا الىپ كەلگەنىن ايتىپ، دابىل قاققان. بۇل وقيعا قازاق تاريحىندا "بەسەۋدىڭ حاتى" دەگەن اتپەن قالىپتى.
ەلدىڭ جاعدايىن ويلاپ، گولوششەكينگە حالىقتىڭ اتىنان حات جازعانداردىڭ سانى - بەسەۋ. ولار جازۋشى عابيت مۇسىرەپوۆ، قازاق مەملەكەتتىك باسپاسىنىڭ مەڭگەرۋشىسى مانسۇر عاتاۋلين، الماتى كومۆۋزىنىڭ باسشى قىزمەتكەرلەرى ەمبەرگەن التىنبەكوۆ پەن مۇتاش داۋلەتقاليەۆ، قازاق اكسر مەملەكەتتىك جوسپارلاۋ كوميسسياسىنىڭ سەكتور باستىعى قادىر قۋانىشەۆ بولدى. الايدا حات جازعان بەس زيالى ساياسي قۋعىن-سۇرگىنگە ۇشىراعان.
گولوششەكين 1933 جىلى قازاقستانداعى قىزمەتىنەن كەتكەن. زيالىلاردىڭ ايتۋىنشا، باسشىلىقتىڭ اۋىسۋىنا "بەسەۋدىڭ حاتىنىڭ" دا ۇلەسى بار.
1989 جىلى جازۋشى شەرحان مۇرتازانىڭ "بەسەۋدىڭ حاتى" اتتى پەساسى شىققان.
ايتا كەتەيىك، 2023 جىلدىڭ 31 مامىر كۇنى ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە وراي باتىس قازاقستان وبلىسىنىڭ قازتالوۆ اۋدانى ورتالىعىندا «بەسەۋدىڭ حاتى» ەسكەرتكىش تاقتاسى اشىلعان بولاتىن.
