تاجىكستاننىڭ پەنجيكەنت قالاسىنداعى مەكتەپتەردىڭ ءبىرىنىڭ 10 سىنىپ وقۋشىسى حوسيات جۇمىس ساپارىمەن ايماققا بارعان ەمومالي راحموننىڭ كورتەجىن توقتاتىپ، ءوزىنىڭ جازعان حاتىن تاپسىرعان. بۇل تۋرالى centralasian.org سايتىنا سىلتەمە جاساپ، adyrna.kz حابارلايدى.
ادەتتە ازاماتتاردىڭ مەملەكەت باسشىسىمەن كەزدەسۋى الدىن الا كەلىسىلەدى، مۇنداي جاعداي سيرەك بولادى. سەنبىدە ەمومالي راحمون پەنجيكەنتتە سارازمنىڭ 5500 جىلدىعىن اتاپ وتۋگە كەلگەن.
قالانىڭ جاس تۇرعىنى حوسيات وليشوۆا 12 قىركۇيەك كۇنى تاڭەرتەڭ قالانىڭ ورتالىق كوشەسىندە ۇكىمەت كورتەجى كەتىپ بارا جاتقانىن كورگەن. كولىكتەر بەسقاباتتى "سارازم پلازا" عيماراتى الدىنا توقتاعان. سول كەزدە قىز بارىپ "پرەزيدەنت قايسى كولىكتە؟" دەپ سۇراعان.
كۋاگەرلەردىڭ ايتۋىنشا، پرەزيدەنتتىڭ كۇزەتشىلەرى ونى توقتاتۋعا ارەكەت جاساعان، بىراق پرەزيدەنت قىز كەلسىن دەگەن بەلگى بەرگەن. حوسيات حات بەرىپ، ونى پەنجيكەنت قالاسى اكىمشىلىگىنە شاقىرعان.
پرەزيدەنتتىڭ ءباسپاسوز حاتشىسى ابدۋفاتتوح شاريفزودا مۇنداي وقيعا بولعانىن راستادى. اقپاراتقا قاراعاندا، پرەزيدەنت قىز جەتىم ەكەنىن ايتىپ، ونىڭ ماسەلەسىن شەشۋدى تاپسىرعان.
پەنجيكەنت قالاسىنداعى №74 مەكتەپ ديرەكتورى ماكسۋدا احروروۆانىڭ ايتۋىنشا، قىز حاتىندا اناسىمەن پاتەر جالداپ تۇراتىنىن ايتىپ، اكەسى ءۇش اي بۇرىن قايتىس بولعانىن، ءۇيسىز-كۇيسىز قالعانىن جەتكىزگەن. "حوسيات – مەكتەپتە جاقسى وقيدى، بەلسەندى وقۋشىلاردىڭ ءبىرى", - دەگەن ديرەكتور.
پەنجيكەنت قالاسى اكىمشىلىگىنىڭ وكىلى حوسياتپەن سويلەسىپ، ونىڭ وتباسىنا بيۋدجەتتەن 10 مىڭ سوموني (1000 دوللار) بولىنگەنىن جانە ازىق-تۇلىك بەرىلگەنىن جەتكىزدى.
سۋرەت ينتەرنەت جەلىسىنەن
