Búgin - "Beseýdiń haty" jazylǵan kún, dep habarlaıdy "Adyrna" ulttyq portaly.
1932 jyly 4 shildede qazaqtyń birqatar zııalysy Qazaq ólkelik komıtetiniń birinshi hatshysy Fılıpp Goloekınge hat jazǵan. Hatta halyqtyń sol jyldardaǵy ahýalyn baıandalǵan. Goloekınge mal sharýashylyǵynyń kúıregeni, soıologııalyq qaıta qurýlar, otyryqshylandyrý men ujymdastyrý, alym-salyq jınaý saıasatynyń asharshylyqqa alyp kelgenin aıtyp, dabyl qaqqan. Bul oqıǵa qazaq tarıhynda "Beseýdiń haty" degen atpen qalypty.
Eldiń jaǵdaıyn oılap, Goloekınge halyqtyń atynan hat jazǵandardyń sany - beseý. Olar jazýshy Ǵabıt Músirepov, Qazaq memlekettik baspasynyń meńgerýshisi Mansur Ǵataýlın, Almaty Komvýzynyń basshy qyzmetkerleri Embergen Altynbekov pen Mutash Dáýletqalıev, Qazaq AKSR Memlekettik josparlaý komıssııasynyń sektor bastyǵy Qadyr Qýanyshev boldy. Alaıda hat jazǵan bes zııaly saıası qýǵyn-súrginge ushyraǵan.
Goloekın 1933 jyly Qazaqstandaǵy qyzmetinen ketken. Zııalylardyń aıtýynsha, basshylyqtyń aýysýyna "Beseýdiń hatynyń" da úlesi bar.
1989 jyly jazýshy Sherhan Murtazanyń "Beseýdiń haty" atty pesasy shyqqan.
Aıta keteıik, 2023 jyldyń 31 mamyr kúni saıası qýǵyn-súrgin jáne asharshylyq qurbandaryn eske alý kúnine oraı Batys Qazaqstan oblysynyń Qaztalov aýdany ortalyǵynda «Beseýdiń haty» eskertkish taqtasy ashylǵan bolatyn.
