قازاقستاندىق جۋرناليست، «باسە» YouTube-ارناسىنىڭ اۆتورى ايدوس سادىق كوز جۇمدى. بۇل تۋرالى ونىڭ جۇبايى ناتاليا ايتتى، دەپ حابارلايدى “ادىرنا” ۇلتتىق پورتالى.
جۋرناليستكە 18 ماۋسىمدا كيەۆتە وق اتىپ، قاستاندىق جاساعان ەدى. سودان بەرى ول اۋرۋحانادا جاتتى. ايەلىنىڭ ايتۋىنشا، كيەۆ ۋاقىتى بويىنشا 2 شىلدە ساعات 3-تە ول جان تاپسىردى.
“مەنىڭ سۇيىكتى جارىم، ءۇش بالامىزدىڭ اكەسى، قازاقتىڭ ءبىرتۋار پەرزەنتى. ايدوس قازاقستان ءۇشىن جانىن بەرىپ، قانىشەرلەردىڭ قولىنان شەيىت بولدى. ايدوس ون ءۇش كۇن بويى جانساقتاۋ بولىمىندە ءومىر ءۇشىن كۇرەستى، بىراق عاجايىپ نارسە بولمادى. ونىڭ ءولىمى توقاەۆتىڭ ۇياتىندا”، – دەدى ايدوس سادىقتىڭ ايەلى ناتاليا سادىق.
ايتا كەتسەك، ايدوس سادىقوۆ پەن ونىڭ ايەلى جۋرناليست، 2014 جىلدان بەرى ۋكراينادا تۇرادى جانە بوسقىن مارتەبەسىنە يە. وندا ەرلى-زايىپتىلار 1 ميلليوننان استام جازىلۋشىسى بار باسە وپپوزيتسيالىق YouTube ارناسىن اشتى.
