بۇگىن ۇكىمەتتە جۋرناليستەر جەلتوقسان ايىنا دەيىن ۇكىمەت ۇيىنە كىرۋگە تىيىم سالىنعان ءجانيا ۇرانقاەۆانىڭ اتىنان سۇراق قويدى، دەپ حابارلايدى “ادىرنا” ۇلتتىق پورتالى.
وقۋ-اعارتۋ ءمينيسترى عاني بەيسەمباەۆ ۇيىمداستىرعان ءباسپاسوز كونفەرەنتسياسىندا جۋرناليستەر مينيسترگە ءجانيا ۇرانقاەۆانىڭ اتىنان سۇراق قويدى.
باستى سەبەپ — ءجانيا ۇرانقاەۆاعا جەلتوقسانعا دەيىن ۇكىمەت ۇيىنە كىرۋگە تىيىم سالىنعان.
ءجانيا ۇرانقاەۆا ۇكىمەت ىڭعايسىز سۇراق قوياتىن جۋرناليستەرگە قىسىم جاساپ جاتىر دەپ ەسەپتەيدى.
ەسكە سالساق، قازاقستان ۇكىمەتى 6 قىركۇي̆ەكتە Press.kz باسىلىمىنىڭ ءتىلشىسى ءجانيا ۇرانقاەۆاعا ۇكىمەت ۇي̆ىنە كىرۋگە تىي̆ىم سالعان ەدى. ول جەلتوقسان اي̆ىنا دەي̆ىن ۇكىمەتكە كىرە الماي̆دى.
ۇكىمەتتىڭ ءباسپاسوز قىزمەتى بۇعان ۇرانقاەۆانىڭ «نىسان ىشىندەگى رەجيمدى جانە كىرۋ ءتارتىبىن بۇزۋى، بىرنەشە رەت جاسالعان ەسكەرتپەلەردى ەلەمەگەنى» سەبەپ بولعانىن اي̆تادى.
سونداي-اقت جۋىردا قازاقستان ۇكىمەتى جۋرناليستەردى مينيسترلەر وتىرىسى وتەتىن زالعا كىرگىزبەۋ تۋرالى شەشىم شىعارعان ەدى. ەندى باق وكىلدەرى ءبىر قابات تومەندە ورنالاسقان بولمەدە وتىرادى. ولار ۇكىمەت وتىرىسىنان شىققان مينيسترلەرگە دالىزدە سۇراق قويا الماي̆دى.
