Qazaqstandyq jýrnalıst, «Báse» YouTube-arnasynyń avtory Aıdos Sadyq kóz jumdy. Bul týraly onyń jubaıy Natalıa aıtty, dep habarlaıdy “Adyrna” ulttyq portaly.
Jýrnalıstke 18 maýsymda Kıevte oq atyp, qastandyq jasaǵan edi. Sodan beri ol aýrýhanada jatty. Áıeliniń aıtýynsha, Kıev ýaqyty boıynsha 2 shilde saǵat 3-te ol jan tapsyrdy.
“Meniń súıikti jarym, úsh balamyzdyń ákesi, qazaqtyń birtýar perzenti. Aıdos Qazaqstan úshin janyn berip, qanisherlerdiń qolynan sheıit boldy. Aıdos on úsh kún boıy jansaqtaý bóliminde ómir úshin kúresti, biraq ǵajaıyp nárse bolmady. Onyń ólimi Toqaevtyń uıatynda”, – dedi Aıdos Sadyqtyń áıeli Natalıa Sadyq.
Aıta ketsek, Aıdos Sadyqov pen onyń áıeli jýrnalıst, 2014 jyldan beri Ýkraınada turady jáne bosqyn mártebesine ıe. Onda erli-zaıyptylar 1 mıllıonnan astam jazylýshysy bar Báse oppozıııalyq YouTube arnasyn ashty.
