الماتىدا اۆتوبۋستىڭ قاتىسۋىمەن بولعان جول-كولىك وقيعاسى سالدارىنان التى ادام اۋرۋحاناعا جاتقىزىلدى، دەپ حابارلايدى “ادىرنا” ۇلتتىق پورتالى قالالىق دەنساۋلىق ساقتاۋ باسقارماسىنىڭ ءباسپاسوز قىزمەتى.
«N18 باعىتتاعى اۆتوبۋستىڭ قاتىسۋىمەن بولعان جول-كولىك وقيعاسى سالدارىنان قالاداعى اۋرۋحانالاردا بارلىق تەكسەرۋلەر جۇرگىزىلگەننەن كەيىن التى ەرەسەك ادام اۋرۋحاناعا جاتقىزىلدى. ناۋقاستاردا تومەنگى جانە جوعارعى دەڭگەيدەگى اياق سىنۋى جاراقاتى تىركەلدى جانە ولاردىڭ جاعدايى ورتاشا اۋىرلىقتا دەپ باعالانعان. ولاردىڭ بارلىعى تولىق كولەمدە قاجەتتى ەم الۋدا»، - دەلىنگەن حابارلامادا.
قالعان زارداپ شەككەندەر ۇسىنىستار العاننان كەيىن تۇرعىلىقتى جەرى بويىنشا امبۋلاتورلىق ەمدەۋگە جىبەرىلدى. مەديتسينالىق كومەككە بارلىعى 24 ادام جۇگىنگەن. ءبىر جابىرلەنۋشى جەدەل جاردەم كەلگەنشە كوز جۇمدى.
ەستەرىڭىزگە سالا كەتەيىك، 26 ماۋسىم كۇنى Kia جۇرگىزۋشىسى ماقاتاەۆ كوشەسىنەن ءوتىپ بارا جاتىپ، 18-ءشى باعىتتاعى اۆتوبۋسپەن سوقتىعىسىپ، كەيىن ول عيماراتقا سوعىلعان. قىلمىستىق ءىس قوزعالدى. ءتيىستى ساراپتامالار تاعايىندالدى.
بۇعان دەيىن الماتىدا اۆتوبۋس پەن Kia كولىگىنىڭ سوقتىعىسۋى سالدارىنان 25 ادام زارداپ شەگىپ، ءبىر ادامنىڭ قازا تاپقانى حابارلانعان بولاتىن.
