Алматыда жолаушылар автобусы апатқа ұшырап, 16 адам жарақаттанып, бір адам қаза тапты, - деп хабарлайды “Адырна” ұлттық порталы.
Кадрларға қарағанда, автобус әуелі жеңіл көлікпен соқтығысып, жолдан шығып кетіп, «ішімдік базарының» жанындағы дүңгіршекке соғылған.
Оқиға орнында полиция қызметкерлері мен құтқарушылар жұмыс істеп жатыр.
Алматы қалалық ІІД баспасөз қызметінің алдын ала мәліметі бойынша, «Киа» көлігінің жүргізушісі Мақатаев көшесімен оңтүстік бағытта өтіп бара жатып, «Сити-Bus» ЖШС жеке тасымалдаушысы қызмет көрсететін 18-бағыттағы автобуспен соқтығысқан.
Оқиға салдарынан автобустың 16 жолаушысы медициналық көмекке жүгінсе, тағы бір жолаушы оқиға орнында көз жұмды.
Адам өліміне әкелген жол-көлік оқиғасы бойынша қылмыстық іс қозғалды.
