الماتى اۋەجايىنىڭ پافوسپەن اشىلعان جاڭا تەرمينالى ءالى ىسكە قوسىلعان جوق. بۇل تۋرالى تانىمال PR ساراپشىسى اسەل قاراۋلوۆا الەۋمەتتىك جەلىدەگى پاراقشاسىندا جازدى، دەپ حابارلايدى “ادىرنا” ۇلتتىق پورتالى.
«Qatar Airways ءبىزدىڭ رەيسىمىز جاڭا تەرمينالدان بولاتىنى تۋرالى ەلەكتروندىق حات جىبەردى. ءبىز كۇتۋمەن پورتقا باردىق. بىراق شىندىق باسقاشا بولىپ شىقتى – سول باياعى ەسكى تەرمينال، ۇلكەن كەزەكتەر، كەپتەلىس جانە تاعى باسقالارى. ادەتتەگىدەي ولار ءالى جۇمىس ىستەي قويماعان جاڭا تەرمينالدى اسەمدىكپەن اشتى»، - دەپ جازدى كاراۋلوۆا بەيسەنبى كۇنى الەۋمەتتىك جەلىدەگى پاراقشاسىندا.
ول جاڭا تەرمينالدىڭ جۇمىسىنا «تەحنيكالىق» اقاۋلار كەدەرگى بولدى دەپ بولجايدى.
«شاماسى، بۇل تاعى دا «تەحنيكالىق اقاۋ». سوندىقتان ۋاقىتىڭىزدى جوسپارلاڭىز جانە ەرتە كەلىڭىز، ادام سانى كوپ»، - دەپ قوستى قاراۋلوۆا.
ەستەرىڭىزگە سالا كەتەيىك، 1 ماۋسىمدا جاڭا اۋەجاي تەرمينالى اشىلعاننان كەيىن العاشقى رەيستەرىن ورىنداعانىن حابارلانعان بولاتىن.
