Almatyda avtobýstyń qatysýymen bolǵan jol-kólik oqıǵasy saldarynan alty adam aýrýhanaǵa jatqyzyldy, dep habarlaıdy “Adyrna” ulttyq portaly qalalyq densaýlyq saqtaý basqarmasynyń baspasóz qyzmeti.
«N18 baǵyttaǵy avtobýstyń qatysýymen bolǵan jol-kólik oqıǵasy saldarynan qaladaǵy aýrýhanalarda barlyq tekserýler júrgizilgennen keıin alty eresek adam aýrýhanaǵa jatqyzyldy. Naýqastarda tómengi jáne joǵarǵy deńgeıdegi aıaq synýy jaraqaty tirkeldi jáne olardyń jaǵdaıy ortasha aýyrlyqta dep baǵalanǵan. Olardyń barlyǵy tolyq kólemde qajetti em alýda», - delingen habarlamada.
Qalǵan zardap shekkender usynystar alǵannan keıin turǵylyqty jeri boıynsha ambýlatorlyq emdeýge jiberildi. Medıınalyq kómekke barlyǵy 24 adam júgingen. Bir jábirlenýshi jedel járdem kelgenshe kóz jumdy.
Esterińizge sala keteıik, 26 maýsym kúni Kia júrgizýshisi Maqataev kóshesinen ótip bara jatyp, 18-shi baǵyttaǵy avtobýspen soqtyǵysyp, keıin ol ǵımaratqa soǵylǵan. Qylmystyq is qozǵaldy. Tıisti saraptamalar taǵaıyndaldy.
Buǵan deıin Almatyda avtobýs pen Kia kóliginiń soqtyǵysýy saldarynan 25 adam zardap shegip, bir adamnyń qaza tapqany habarlanǵan bolatyn.
