باتىس قازاقستاندا جول اپاتى بولىپ، اتوكولىك تولىعىمەن ورتەنىپ كەتتى، دەپ حابارلايدى "ادىرنا" ۇلتتىق پورتالى.
كولىك سالونىنان ءۇش ادامنىڭ مۇردەسى تابىلعان. Toyota Prado Volvo جۇك كولىگىمەن سوقتىعىسقان.
بقو پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، وقيعا 24 ماۋسىم كۇنى 16.45-تە سامارا-شىمكەنت جولى بويىندا بولعان.
"اڭقاتى اۋىلى تۇسىندا Toyota Prado Volvo جۇك كولىگىنىڭ تىركەمەسىمەن ءتۇيىستى. جول اپاتى سالدارىنان جەڭىل كولىك وتقا وراندى. ءورت سوندىرىلگەننەن كەيىن اۆتوكولىك سالونىنان ءۇش ادامنىڭ مۇردەسى تابىلدى. اتالعان دەرەك بويىنشا تەرگەۋ امالدارى باستالدى. وقيعانىڭ ءمان-جايى انىقتالىپ جاتىر", - دەپ حابارلادى ۆەدومستۆودان.
