نۇر-سۇلتاندا اۋا رايىنىڭ قولايسىزدىعىنان ءبىر تاۋلىكتە 123 جول اپاتى بولدى. بۇل تۋرالى ەلوردالىق پوليتسيا دەپارتامەنتىنىڭ ءباسپاسوز قىزمەتىنە مالىمدەدى، دەپ حاارلايدى “ادىرنا” ۇلتتىق پورتالى.
"قالا سىرتىنا ۇزاق ساپارلاردان باس تارتۋدى قاتاڭ تۇردە ۇسىنامىز. مۇمكىندىگىنشە، بالامالى كولىك ءتۇرىن پايدالانىڭىز. قازىرگى ۋاقىتتا اۋا رايىنىڭ قولايسىزدىعىنا بايلانىستى بارلىق باعىتتاعى قوزعالىس جابىلدى", - دەلىنگەن حابارلامادا.
ەلوردادا تاڭەرتەڭنەن بەرى 123 جول-كولىك وقيعاسى تىركەلدى. پوليتسەيلەر ازاماتتاردان اۋا رايىنىڭ ناشارلاۋىنا بايلانىستى باراتىن باعىتىن الدىن الا جوسپارلاپ، كەنەت باسقا جولاققا اۋىسپاۋدى جانە تەجەگىشتى كەنەت باسپاۋدى، قالا سىرتىنا ساپاردان باس تارتۋعا، سونداي-اق پاترۋلدىك پوليتسيانىڭ تالاپتارىن ورىنداۋدى سۇرادى.
"جاياۋ جۇرگىنشىلەرگە وتە مۇقيات بولۋ كەرەك. جولدان وتكەن كەزدە گادجەتكە ۇڭىلمەي، قۇلاققاپتى شەشىپ، جاقىنداپ كەلە جاتقان كولىكتىڭ جوقتىعىنا كوز جەتكىزۋ كەرەك. قولايسىز اۋا رايىندا ساقتىق شارالارى جول-كولىك وقيعالارىنىڭ سانىن ەداۋىر ازايتۋعا كومەكتەسەدى", - دەدى نۇر-سۇلتان قالاسىنىڭ پوليتسياسى.
“ادىرنا” ۇلتتىق پورتالى
