Elimizde jyl basynan beri 14 bala terezeden qulap ketti, dep habarlaıdy "Adyrna" ulttyq portaly.
Bul derekti Bala quqyqtaryn qorǵaý komıtetiniń basshysy Nasymjan Ospanova málimdedi.
"Biz sizden terezege arnaıy buǵattaǵysh ornatýdy suraımyz. Qarapaıym erejelerdi oryndaý balanyń terezeden túsýiniń aldyn alýǵa, onyń densaýlyǵy men ómirin saqtaýǵa kómektesedi. Úıińizdiń terezeleri senimdi jabylǵanyna jáne balanyń qoly jetpeıtinine kóz jetkizińiz. Sondaı-aq, balańyzdy eshqashan qaraýsyz qaldyrmańyz. Bir sáttik nemquraılyq úlken qasiretke aınalýy múmkin. Balalarymyzdyń qýanyshty kúlkisi men alańsyz balalyq shaǵy úshin asa muqııat jáne qyraǵy bolýymyz kerek. Ata-analar, balalaryńyzǵa qamqor bolyńyzdar! Ár bala baqytty jáne qaýipsiz balalyq shaqqa laıyq ekenin este ustaǵan jón", - dep eske salady Nasymjan Ospanova.
Ol bul statıstıkanyń jyl saıyn ósip jatqanyn atap ótti.
