قازاقستان 2027–2030 جىلدارعا ارنالعان كەزەڭگە بۇۇ ستاتيستيكالىق كوميسسياسى قۇرامىنا مۇشە بولىپ سايلاندى، دەپ حابارلايدى "ادىرنا" ۇلتتىق پورتالى.
بۇل تۋرالى ۇلتتىق ستاتيستيكا بيۋروسىنىڭ ءباسپاسوز قىزمەتى حابارلادى.
شەشىم بۇۇ ەكونوميكالىق جانە الەۋمەتتىك كەڭەسى اياسىندا قابىلدانعان. داۋىس بەرۋ پروتسەسىنە 54 مەملەكەت قاتىستى.
قازاقستان كوميسسيا قۇرامىنا سينگاپۋر جانە موڭعوليا ەلدەرىمەن بىرگە ازيا-تىنىق مۇحيتى وڭىرلىك توبى ۇسىنعان بىرىڭعاي كەلىسىلگەن ءتىزىم ارقىلى ەندى.
ۇلتتىق ستاتيستيكا بيۋروسىنىڭ مالىمەتىنشە، بۇل تاعايىنداۋ ءوڭىر ەلدەرىنىڭ قولداۋىنىڭ ناتيجەسىندە جۇزەگە اسقان. قازاقستاننىڭ كوميسسيا قۇرامىنا ەنۋى حالىقارالىق قاۋىمداستىقتىڭ جوعارى سەنىمىن ءبىلدىرىپ، ەلدىڭ جاھاندىق ستاتيستيكالىق جۇيەنى دامىتۋداعى بەلسەندى ءرولىن كورسەتەدى.
سونداي-اق، كوميسسيا جۇمىسىنا قاتىسۋ قازاقستانعا حالىقارالىق ستاتيستيكالىق ستاندارتتاردى قالىپتاستىرۋعا جانە تۇراقتى دامۋ مەن دەرەكتەردى تسيفرلاندىرۋ باعىتىنداعى باستامالاردى ىلگەرىلەتۋگە مۇمكىندىك بەرەدى.
